Жизнеописание священника Феодора Статкевича. Богослужебная информация.

Жизнеописание священника Феодора Статкевича.

Отец Феодор Статкевич происходил из священнического рода. Он родился в 1862 году в благочестивой семье, где вера была не просто традицией, а образом жизни. С самых малых лет мальчик особенно прилежал к храму Божию, любил богослужения и знал наизусть их последование и многие песнопения. Он не представлял для себя иного пути, кроме как служения Богу.

  По окончании Одесской Духовной Семинарии он служил чтецом, а затем рукоположен в сан диакона. Перед рукоположением вступил в законный брак, в котором у них с супругой впоследствии родилось 10 детей.

   В 1888 году штатный диакон церкви с.Калаглеи Феодор Статкевич рукоположен во священника и определен на второе священническое место в с.Иванковцы, Александрийского уезда. [ХЕВ, 1888, №17, с.258] Жизнь и служение батюшки проходили в постоянных трудах: богослужениях и совершении различных треб, ведь ежедневно приходилось крестить или отпевать кого-либо, причащать на дому больных, а в период венчаний – совершать это таинство над желающими создать семью.

   Дальнейшее служение о.Феодора происходило также в Александрийском уезде: в с.Павлыш, затем – в с.Богоявленск. В последнее он был назначен Резолюцией его Высокопреосвященства, Высокопреосвященнейшего Иустина, архиепископа Херсонского и Одесского, по собственному прошению 12 мая 1897 года. [ХЕВ, 1897, №10, с.177] Здесь ему суждено было Промыслом Божиим служить до конца своей исполненной трудами жизни.

   Храм во имя Богоявления Господня, где был настоятелем о.Феодор Статкевич, был построен в 1881 году вместо ветхого, стоявшего на этом месте с 1791 года. Кроме Богоявленска, батюшке приходилось духовно окормлять и соседние деревни: Совино, Трудовую, Петрозагорье, Девичье Поле. Он также занимал должность законоучителя в двух земских школах. [Справочная книга Херсонской епархии, 1905, с.296-297]

   У о.Феодора была большая семья: они с супругой воспитывали десятерых детей – трех сыновей и семерых дочерей. Ежедневно в молитве батюшка с матушкой преклоняли колени, прося Бога хранить своих чад. Они старались своим примером наставить их к богоугодной жизни, прививали любовь к молитве и храму, учили взаимопомощи в семье и отзывчивости к окружающим людям. Для прихожан семья о.Феодора была добрым примером.

   В 1899 году, согласно Резолюции архиепископа Иустина, священник Феодор Статкевич был награжден набедренником. [ХЕВ, 1899, №21, с.310]

   Для батюшки были принципиальными вопросы церковной дисциплины: он никогда не учил тому, чего сам не исполнял, а к своим обязанностям относился в высшей степени добросовестно, поэтому он имел огромный авторитет среди людей.

   В 1917 году грянула февральская, затем – октябрьская революции. Сначала власть захватило Временное правительство, а после – большевики. Церковь фактически объявлена вне закона и поставлена в нечеловеческие условия выживания. Не смотря на такую политику, о.Феодор продолжал служить и исполнять свой священнический долг. В проповедях он призывал не изменять Христу в угоду новой власти и твердо держаться в вере как на краеугольном камне.

   В 1919 году по территории Александрийского уезда прокатилась волна убийств священнослужителей: некоторые из них пали жертвами бандформирований, другие же – большевицких группировок.

   В апрельский день о. Феодор собирался на совершение отпевания одного из жителей вверенного ему прихода. Незадолго до этого его предупредили не появляться на погребении, так как готовилась расправа над батюшкой. Но принципиальный и обязательный в исполнении своих обязанностей о.Феодор не мог не прийти туда, где требовалось его присутствие. Он положился на волю Божию и был готов принять мученический венец.

   Батюшке не дали довести обряд погребения до конца: он был жестоко убит  злоумышленниками. В газете "Одесский листок" от 1 января 1920 года приводится список пострадавших священнослужителей Херсонской епархии, среди которых значится священник с.Богоявленск Феодор Статкевич. ["Одесский листок", 1920. 1 января, №1]

 

Херсонские Епархиальные Ведомости, 1888, №17, с.258;

 

 

 

 

 

 

 

 

 

Херсонские Епархиальные Ведомости, 1897, №10, с.177;

 

 

Газета "Одесский листок", 09/22 октября 1919, №141, стр.4.

 

 

 

 

 

 

 

 

 

Справочная книга Херсонской епархии, 1905, с.296-297;

 

 

 

 

 

Государственный архив Кировоградской области ф.677, оп.1, д.14., с.168.

Метрическая книга Богоявленского храма с.Богоявленского 20 февраля 1919г.

 

С Л У Ж Б А

священномученику Феодору (Статкевичу),

пресвитеру Богоявленскому (+1919)

 

 

НА ВЕЛИКОЙ ВЕЧЕРНИ

 

На Господи, воззвах: стихиры мученика, глас 4:

Приидите мучениколюбцев собори, / память праведнаго мужа почтим, / путь тесный и спасительный избравшаго / и за Христом даже до смерти последовавшаго, / исповеданием веры апостолом подобника, / мучеников равностоятеля, // Богоблаженнаго Феодора днесь ликующе восхвалим.

Кровными каплями / богоборчества огнь погасив, священномучениче Феодоре, / Христову Церковь напоил еси богатно / и верных сердца уяснил еси, // благочестно почитающих твою священную память.

Наста, Богоносе отче, / солнца светлейший твой праздник, / озаряет приходящий к тебе верою, / и безсмертием облагоухает, / и душам источает исцеления, / Феодоре отче пречудне, // молитвенниче о душах наших.

Христу Богу ныне дерзновенно предстоя, / страстотерпче отче Феодоре, / и наслаждаяся ныне красоты Его нетленныя, / не забуди сроднаго Отечества твоего, / но моли сохранитися нам от всякаго обстояния вражия // и утвердитися во благочестии.

Слава, глас 8:

Исповедниче Христов и мучениче, славне Феодоре, / ты на Бога все упование возложил еси / и Той тя прослави во Царствии Небеснем, / идеже ныне со сродники нашими, / верою, надеждею и любовию Ему угодившими, / прославляеши Отца, и Сына, и Святаго Духа, // Троицу Единосущную и Нераздельную.

И ныне, Богородичен: Царь Небесный:

Вход. Прокимен дне и чтения.

Пророчества Исаиина чтение (глава 43):

 Тако глаголет Господь: вси языцы собрашася вкупе и соберутся князи от них. Кто возвестит сия в них или яже от начала, кто слышана сотворит вам? Да приведут свидетели своя и оправдятся, и да услышат, и да рекут истину; будите Ми свидетели, и Аз Свидетель, глаголет Господь Бог, и Отрок, Егоже избрах, да познаете и веруете Ми, и разумеете, яко Аз есмь: прежде Мене не бысть ин бог, и по Мне не будет. Аз есмь Бог, и несть разве Мене спасаяй. Аз возвестих и спасох, уничижих, и не бе в вас чуждий. Вы Мне свидетели, и Аз Господь Бог, и еще от начала Аз есмь: и несть от рук Моих избавляли; сотворю, и кто отвратит то? Сице глаголет Господь Бог, избавляяй вас Святый Израилев.

Премудрости Соломони чтение (глава 3):

 Праведных души в руце Божией, и не прикоснется их мука; непщевани быша во очесех безумных умрети, и вменися озлобление исход их, и еже от нас шествие - сокрушение; они же суть в мире. Ибо пред лицем человеческим аще и муку приимут, упование их безсмертия исполнено; и, вмале наказани бывше, великими благодетельствовани будут: яко Бог искуси я, и обрете их достойны Себе. Яко злато в горниле искуси их, и яко всеплодие жертвенное прият я. И во время посещения их возсияют, и яко искры по стеблию потекут. Судят языком и обладают людьми, и воцарится Господь в них во веки. Надеющиися Нань разумеют истину, и вернии в любви пребудут Ему; яко благодать и милость в преподобных Его, и посещение во избранных Его.

Премудрости Соломони чтение (главы 5 и 6):

 Праведницы во веки живут, о Господе мзда их, и попечение их у Вышняго: сего ради приимут царствие благолепия и венец доброты от руки Господни, зане десницею покрыет я и мышцею защитит их. Приимет всеоружие - рвение Свое, и вооружит тварь в месть врагом. Облечется в броня правды и возложит шлем - суд нелицемерен. Приимет щит непобедимый - преподобие. Поострит же напрасный гнев во оружие; споборет же с Ним мир на безумныя. Пойдут праволучныя стрелы молниины, и, яко от благокругла лука облаков, на намерение полетят. И от каменометныя ярости исполнь падут грады; вознегодует на них вода морская, реки же потопят я нагло. Сопротив станет им дух силы, и, яко вихор, развеет их, и опустошит всю землю беззаконие, и злодейство превратит престолы сильных. Слышите убо, царие, и разумейте; навыкните, судии концев земли. Внушите, держащии множества и гордящиися от народов языков: яко дана от Господа держава вам, и сила от Вышняго.

На стиховне стихиры, глас 2:

Подобен: Доме Евфрафов:

Дом Духа Божественнаго, / исполненный чистоты и правды, / явился  еси,  Феодоре  прехвальне, / священства  Христова  правило, // и веры утверждение.

Стих: Священницы Твои облекутся в правду, / и преподобнии Твои возрадуются.

Церкве Божия украшение, / страстотерпцев Христовых славу, / достохвальнаго Феодора, / любовию восхвалим, вернии, // почитающе добродетели и страдания его.

Стих: Внидем в селения Его, / поклонимся на место, идеже стоясте нозе Его.

Царство Небесное, / славне отче Феодоре, / насле́дил еси страданием, / и Небесный воистинну чертог, // и свет незаходимый.

Слава, глас тойже:

Троицы вернаго служителя, / Церкве светильника всесветлаго, / мученика Феодора предивнаго / ныне, в память его сошедшеся, // воспоим любовию.

И ныне, глас и подобен тойже:

Пресвятая Мати Божия, / с лики страстотерпцев / молися из Тебе Воплощенному, / Солнцу Правды, Господу, // спасти и просветити души наша.

Тропарь, глас 4:

Таин Божиих служителю / и делатель быв заповедей Господних, Феодоре всечестне, / страданьми за Христа возшед на Небеса со славою многою, / и ныне предстоиши Престолу Владычню, / со Ангельскими лики  / непрестанно  воспевая  Троицу  Единосущную, // дерзновенно мо́лишися о душах наших.

 

НА УТРЕНИ

По 1-м стихословии седален, глас 4:

Кровь твою, яко алавастр мира, Христови принесл еси, священномучениче Феодоре.  / Темже преблагий и великий Дарователь Бог прият тя в Небесныя обители, // сего ради память твою с верою почитаем, досточудне.

Слава, и ныне, глас тойже:

Едина истинная христиан Покровительнице, / всяких лютых обстояний, / бед и скорбей нас избави // и молитвами Твоими спаси души наша.

По 2–м стихословии седален, глас 6:

Светлый твой, Феодоре, праздник вся созва радостно на трапезу днесь, / предложив страданий твоих борения, мужество и противление, // имиже насыщшеся, верою тя и любовию ублажаем.

Слава, и ныне, глас тойже:

Устами и сердцем величаем Тя, / Дево Мати: / Ты же, рождшая Бога, // не отрини нас от Твоего заступления.

Величание:

Величаем тя, / священномучениче отче Феодоре, / и чтим честная страдания твоя, // яже за Христа претерпел еси

Псалом избранный:

1-й лик: Исповемся Тебе, Господи, всем сердцем моим о милости Твоей и истине Твоей.

2-й лик: Господь Помощник мой, на Него упова сердце мое, и исповемся Ему.

1-й лик: Поношения поносящих Ти нападоша на мя.

2-й лик: Изведи из темницы душу мою исповедатися имени Твоему.

1-й лик: На Бога уповах, не убоюся, что сотворит мне человек.

2-й лик: Исповемся имени Твоему, Господи, яко благо, яко от всякия печали избавил мя еси.

1-й лик: Глаголах о свидениих Твоих пред цари и не стыдяхся.

2-й лик: От бездн земли паки возвел мя еси, ибо аз исповемся Тебе в людех, Господи.

1-й лик: Веселитеся, праведнии, о Господе и исповедайте память святыни Его.

2-й лик: Да исповедятся Тебе, Господи, вся дела Твоя.

По полиелеи седален, глас 8:

Веселия исполняется днесь Александрийска земля, / и Богоявленстии люди хвалятся / в торжестве пастыря предивнаго Феодора, / и с ними вси народи Отечества нашего ликовствуют, / прославляюще единаго от новых мучеников, / исповедника  твердаго  и пастыря благостнаго, / и с любовию вопиют ему: / спасай нас молитвами твоими, // Феодоре, присный наш предстателю.

Слава, и ныне, глас тойже:

Тя надежду, прибежище и Предстательницу обретше, вернии, / к Тебе притекаем и прилежно вопием: / помилуй, Богородице, на Тя уповающия / и прегрешений оставление нам испроси // молитвами Твоими, Пречистая.

Таже степенна, 1-й антифон, глас 4. Прокимен, глас 4: Возвеселится праведник о Господе / и уповает на Него. Стих: Услыши, Боже, глас мой, внегда молитимися к Тебе. Всякое дыхание: Евангелие от Матфея, зачало 36.

По 50-м псалме стихира самогласна, глас 6:

Добрый делателю вертограда Христова, / мученик Господень неодоленный, / пастырю всечудный отче наш Феодоре, / Богом  дарованный нам молитвенник, / не забуди чад твоих духовных // любовию чтущих святую память твою.

Канон святому, глас 6:

Песнь 1

Ирмос:  Яко по суху, пешешествовав Израиль / по бездне стопами, / гонителя фараона / видя потопляема, / Богу / победную песнь // поим, вопияше.

Дарованием вышним моего разума мрак отжени твоими молитвами, служителю Христов Феодоре, / яко да воспою, славне, твою священную и светозарную память песньми.

Весь любовию Христовою укреплься, Феодоре пребогате, / плоть преобидел еси, яко растлетися хотящу, / и претерпел еси муки, нравом мужественным, / обличив безбожное неистовство.

Ревностию любве Христовы разжегся и к подвигом совлекся, / веры и Духа Божественнаго исполнився, мучениче, / евангельскую проповедь всем известил еси.

Богородичен: Боголепное селение, Чистая, Ты была еси, / Небес пространнейшее и чистейшее, Богородице Дево Марие, / и ныне о Тебе радуется девственный лик.

Песнь 3

Ирмос: Несть свят, / якоже Ты, / Господи Боже мой, / вознесый рог верных Твоих, Блаже, / и утвердивый нас на камени // исповедания Твоего.

Яко проповедник сокровенныя и Божественный жизни, / настоящую якоже забыв, / делом Феодор показа яве всем победоносную истину, Владыко Спасе, / пренебрегши смертию.

Украшаемь благолепия венцем, мучениче Христов Феодоре, / всегда со избранными мученики в радости предстоиши.

Ученьми воистинну сбытием мудрых дел твоих / Церкви был еси мученик и пастырь, Феодоре всечестне.

Богородичен: Якоже неистощимое сокровище дарований Тя имуще, Владычице, / независтныя дары от Тебе чудес вси приемлем.

     Седален, глас 1:

С похвалами память твоя сотворяется светло, / мучениче славне Феодоре, / и радости наполняет православныя соборы, / яко правду возлюбльшаго, / и Христу верность даже до смерти показавшему, // и чаяние воскресения мертвых утверждающаго.

Слава, и ныне, глас тойже:

Упование христиан, Пресвятая Дево, / Егоже родила еси Бога, паче ума же и слова, / непрестанно моли с вышними Силами / подати оставление грехов наших всех // и исправление жития верою и любовию присно Тя славящим.

Песнь 4.

Ирмос: Христос моя сила, / Бог и Господь, / честная Церковь / Боголепно поет, взывающи, // от смысла чиста о Господе празднующи.

Истекшая на землю кровь твоя, Богомудре Феодоре, / сию поистинне освяти достойно и души напои верных, / к ревности Божественней воздвизающи.

Житие твое, Божественными блистаяся добродетельми, / вся омрачи демонская стремления и, разорив тьму безбожия, / сы́ны дне показа, любовию твоим учением, Феодоре, покорившияся.

Яко красны ноги твоя, священнострадальче Феодоре, / стезю ходившия свидений Божественных, / и в сих добре ступавшия, / и к широте велицей Небеснаго Царства достигшия, мучениче славне.

Богородичен: Свет рождшая, тьму разруши многих моих прегрешений Твоею зарею, Пренепорочная Владычице, / Яже Солнце правды верным возсиявшая.

Песнь 5

Ирмос:  Божиим  светом  Твоим,  Блаже,  /  утреннюющих  Ти  души / любовию озари, молюся, / Тя ведети, Слове Божий, / истиннаго Бога, // от мрака греховнаго взывающа.

С молитвою, бывшей во устех твоих, страдальче Феодоре, / предал еси душу твою в руце Живаго Бога / и победоносно со славою возшел еси в чертог Его Небесный.

Кровьми твоими обрел еси, Феодоре, светлость вечнующия славы, / и радость, никогдаже престающую, и венцы Небесныя, / и сияние невечернее.

Вельми Христа возлюбив, Феодоре, / страстем Того мужески уподобился еси, / заколен быв, яко агнец, волею, великомучениче досточудне.

Богородичен: Божественным сиянием Твоим, Благая, / просвети омраченную душу мою и к спасения стези́ направи, / Едина Спаса Христа рождшая.

Песнь 6

Ирмос: Житейское море, / воздвизаемое зря / напастей бурею, / к тихому пристанищу Твоему притек, вопию Ти: // возведи от тли живот мой, Многомилостиве.

Истине Евангельской с детства наученный, / животворныя заповеди Спасовы исполнил еси ревностно, отче Феодоре, / и явился еси проповедник деятельный пути спасительнаго.

Крестоношение служения священническаго на рамена своя подъял еси, боголюбче отче Феодоре, / и вся коварства бесовския и лютость богоборцев доблественне до конца претерпел еси.

Исполнен Божественнаго Духа явился еси, мудре Феодоре, / питая богатно благочестия сладостию и словом живительным сердца зрящих к тебе.

Богородичен: Архангельский глас вопием Ти: / Радуйся, Благодатная, Господь с Тобою; / радуйся, Благословенная, Заступница наша и скорая в бедах Помощница.

Кондак, глас 6:

Христа воплощшагося проповедал еси, отче Феодоре, / и безбожных ярость посрамил еси, / крест злостраданий и смерть от тех кротце приим. / Не забуди паству твою, всечестне, / память чтущую священных страданий твоих // и на отеческое предстательство твое уповающую.

Икос:

Ничтоже возмогло есть отлучити тя от любве Божия: / ни скорбь, ни теснота, ни гонения, / но вся сия превозмогл еси силою возлюбленнаго тобою Господа Иисуса, / за Ним же последовал еси, отвергше ветхаго человека / и вземше крест свой, имже посрамил еси злобу и ярость богоборцев. / Сице пришедши от скорби велией и убелиша ризы своя кровию за Христа излиянною, / в радости предстоиши ныне пред престолом Божиим. / Темже не забуди паству твою, Феодоре всечестне, / память чтущую священных страданий твоих // и на отеческое предстательство твое уповающую.

Песнь 7

Ирмос: Росодательну убо пещь содела Ангел / преподобным отроком, / халдеи же опаляющее веление Божие мучителя увеща вопити: // благословен еси, Боже отец наших.

Исправно Богу работая и священную твою одежду носив священно, / нечестивыя просветил еси, всечестне, / Единство Несозданно в Трех Лицех проповедал еси, Феодоре премудре.

Весь свету приближился еси Начальный Троицы, / яко служитель Тоя, сый световиден был еси, страстотерпче, / озаряя поющия тя.

Просвещся любовию всех Владыки, мучениче Феодоре, / тверд пребыл еси во страданиих и мучеников счи́слился еси воинству, взывая: / благословен еси, Боже отец наших.

Богородичен: Во тьме неразуме́ния мя пребывающаго, / просвети Светом Неприступным Сына Твоего, Пречистая, / и настави верно взывати Ему благочестно: / благословен еси, Боже отец наших.

Песнь 8

Ирмос: Из пламене преподобным росу источил еси, / и праведнаго жертву с водою попалил еси: / вся бо твориши, Христе, токмо еже хотети. // Тя превозносим во вся веки.

Царское украшение Церкве Христовы, / страстей Спасовых изображение, мученик твердый, / верных утверждение, песньми да восхвалится Феодор пастырь пречудный.

На земли пострадавши, святе Феодоре, / в Царствии Небеснем венец правды от руки Христовы приял еси, вопиюще: / Тя воспеваю, Боже, во веки.

Уязви́вся божественным желанием, всеблаженне, / непорочно и праведно житие препроводил еси, / дондеже достигл еси поклонитися Престолу Господню, со Ангелы Богу поя: / Тя превозносим во вся веки.

Троичен: Яко Единицу естеством, Тя пою, Божество Всесвятое, / Треми же Ипостасьми несечно разделяя, зову: / Тя, Трисвятый Боже, превозносим во вся веки.

Богородичен: Яже Владыку всех плотию рождшая, насилия страстей избави мя, Отроковице, / и Творцу всяческих присво́й любовию, поющаго во вся веки.

Песнь 9

Ирмос: Бога / человеком не возможно видети, / на Него же не смеют чини Ангельстии взирати; / Тобою же, Всечистая, явися человеком / Слово воплощенно, / Его же величающе, // с Небесными вои Тя ублажаем.

Сам себе на заколение вольное, яко агня, даде, непорочно, / Агнцу Божию подобяся, вземлющему грехи мира, Феодоре Богоблаженне, / и венец нетленный от Сего приял еси.

Днесь веселие в твоей Божественней памяти Церковь познавает, Феодоре, / воине Христов неодоленный, / в нюже поющия тя вся спасай молитвами твоими.

Весь во Свет Божественныя Троицы с веселием прешел еси, / ангельским  воинством   ныне   срадуешися,  отче Феодоре пречудне, / с нимиже непрестанно моли всем спастися, поющим тя.

Троичен: Триипостасный Боже наш, / новых мучеников Твоих приемый подвиги и преславно увенчавый их, / тех предстательством спаси воспеватели Твоя / и сподоби нас вечно славити Державу Твою.

Богородичен: Юже воспевают Силы Небесныя, Владычицу Деву, Церкве красоту, / верных державу и похвалу, благодарно величаю и пение скончаваю.

Светилен:

Предстощи ныне Трисиянному Великому Свету / и пребывающи в неизреченней светлости со всеми святыми, / Феодоре отче добропобедне, помяни всех нас, / память твою светоносно совершающих.

Слава, и ныне, Богородичен:

Света Превечнаго родила еси нам, Христа, Бога нашего, Пречистая Дево, / избавльшаго весь мир от лести диавола. / Темже молим Тя: не престай молящи, / да подаст нам милость Свою в День Судный.

На хвалитех стихиры, глас 1:

Приидите, вернии, / возрадуемся и возвеселимся днесь, / во всечестный сей праздник Феодора дивнаго мученика, / и славу и хвалу Христу Богу воздадим, / давшему нам таковаго к Нему предстателя // и молитвенника о душах наших.

Благодушно Феодор славный страдания сконча и подвиги, / и побеждая неверныя дерзновением священным, / по кончине ублажается верными. / Того молитвами, Господи, // всем подаждь велию милость.

Богоблаженне мучениче Феодоре, / от земли преставився, востекл еси к Небесным, / и в Горних жити селениих сподобился еси,  / жизнь свою всецело Христу отдав, / Егоже ныне моли // даровати душам нашим мир и велию милость.

Священнства одежду светлейшу / кровей твоих омоченьми соделал еси, / на Небеса вселився, Феодоре пребогате, / видя, Егоже возжелел еси чистою мыслию. / Темже твою славим всесвященную память и взываем: // помяни нас, отче, творящих память твою.

Слава, глас 8:

Приидите, мучениколюбцы, / насладимся мысленно духовныя днесь трапезы, / юже нам придложиша новомученицы земли нашея; / вы же, страстотерпцы неодоленнии, / с Небесными воинствы водворяющеся, / просите Христа Спаса даровати благодать и милость, // вашу честную память совершающим верно.

И ныне, глас тойже:

Владычице, приими молитвы раб Твоих / и избави нас // от всякия нужды и печали.

НА ЛИТУРГИИ

Прокимен, глас 4: Святым, иже суть на земли Его, / удиви Господь вся хотения своя в них. Стих: Презрех Господа предо мною выну, / яко одесную мене есть, да не подвижуся. Апостол к Галатом, зачало 214. Аллилуиа, глас 4: Воззваша праведнии, и Господь услыша их, и от всех скорбей их избави их. Стих: Многи скорби праведным, и от всех их избавит я Господь. Евангелие от Иоанна, зачало 51.  Причастен: В память вечную будет праведник, от слуха зла не убоится.

МОЛИТВА

О, всехвальне мучениче и пастырю предивный отче наш Феодоре! Ныне почитающе святую память страданий твоих, к тебе мы, грешнии и недостойнии, усердно прибегаем и во умилении сердец наших зовем тебе. Ты от юности своея паче всех благ земных Сладчайшаго Господа Иисуса Христа возлюбил еси и Тому чрез все житие верно следовал еси, Божественною благодатию душу свою питая. Испроси убо и нам благодать просвещающую нас, да ею осеняеми, в вере и благочестии, в подвизех целомудрия и любве преуспевати будем, Христу и ближним нашим служити неленостно потщимся. Моли убо Спаса нашего, да сподобит и нас странствие наше земное непреткновенно совершити, и в мире и покаянии житие наше проводити, да тако на земли поживше, вечныя и блаженныя жизни на небеси сподобимся и тамо с тобою и со всеми святыми вкупе восхвалим Троицу Единосущную и Нераздельную, и воспоем Едино Божество и Царство, Отца и Сына и Святаго Духа во веки веков. Аминь.

 

СХВАЛЕНО

Синодальною Літургічною комісією

Української Православної Церкви

 

 

митрополит Новокаховський і Генічеський,

голова Комісії

 

 

Тропарь и кондак

священномученику Феодору Статкевичу

 

Тропарь, глас 6:

Благочести́ваго ко́рене о́трасле честна́я,/ моли́твы де́лателю неуста́нный,/ житие́ твое́ труда́ми во сла́ву Христо́ву испо́лнено бысть,/ ты дома́шних свои́х и па́ству до́брым приме́ром наставля́л еси́,/ в ве́ре утвержда́я и в любви́ сохраня́я./ Во дни же, егда́ Це́рковь Правосла́вная гони́ма бысть от супоста́т,/ кровь свою́ за Христа́ проли́л еси́,/ священному́чениче Фео́доре,/ моли́ Бо́га о всех нас.

Кондак, глас 3:

Днесь священному́ченик Фео́дор во сла́ве небе́сней предстои́т,/ зе́млю Александри́йскую моли́твами свои́ми огражда́я,/ и науча́я ве́ру во Христа́ до конца́ храни́ти,/ па́мятующе Обетова́вшаго:/ Аз есмь с ва́ми во вся дни до сконча́ния ве́ка. Ами́нь.