098 690 42 28 (пн-пт: з 9 до 18 г.)

 

- По благословению Высокопреосвященнейшего Боголепа,
архиепископа Александрийского и Светловодского -

Фейсбук
ВКонтакте
Твиттер
Youtube
Telegram

Ваше Высокопреосвященство Высокопреосвященнейший владыко и милостивый Архипастырь!                                Дорогой Владыка Боголеп !                                 Сердечно поздравляем Вас с днем рождения! От всей души желаем Вам, Дорогой...

Наші банківські реквізити

Управління Олександрійської єпархії УПЦ, ЄДРПОУ 35615671; р/р UA263234750000002600130117920 (2600130117920)/323806\2600301(UAH), ТВБВ №10010/0149, філії Кіровоградське обласне управління АТ "Ощадбанк", МФО 323475.

Жизнеописание священника Иакова Илличевского. Богослужебная информация

Жизнеописание священника Иакова Илличевского.

 

   После  событий 1917 года для Православной Церкви вновь настала эпоха мученичества. Жатва в Небесную сокровищницу в этот период явилась самой обильной по сравнению со всеми предшествующими. И если внимательно изучать церковную историю первой половины ХХ ст., то можно отметить, что в каждой епархии едва ли не в каждом селе, не говоря уже о городах, есть люди, не пощадившие в свое время собственной жизни ради Христа. Это как священнослужители, так и простые миряне, не пожелавшие идти на компромисс ни с властями, ни с собственной совестью. Одним из таких людей, просиявших мученическим подвигом на территории Александрийской епархии, является настоятель Федоро-Тироновской церкви пгт. Новой Праги (ныне Александрийский район, Кировоградской области) священник Иаков Николаевич Илличевский, погибший от рук революционеров в 1919 году.

   Родился будущий священномученик в 1873 году в семье диакона Николая Илличевского и его супруги Александры в Херсонской губернии. Когда мальчику было 7 лет, скончался его отец. Мать осталась с двумя детьми на руках. Возложив все свое упование на Бога, она старалась воспитывать Иакова и его старшего брата в традициях Православной Церкви, прививая им любовь к храму, богослужению и молитве. Иаков выучился хорошо читать по-церковнославянски, получил начальное церковное образование. В 1890 году он закончил Херсонское Духовное училище по 2-му разряду. [1]

   В 1891 году Иаков Илличевский, следуя своему желанию посвятить жизнь служению Богу, продолжил обучение в Одесской Духовной Семинарии. Учился он прилежно, с жаждой впитывая в себя всю церковную премудрость. Однако обстоятельства сложились так, что он вынужден был оставить учебу. Старший его брат к тому времени имел семью и служил диаконом в г.Николаеве, а мать жила совершенно одна, будучи весьма стесненной в средствах к существованию, не имея рядом помощников. Поэтому Иаков по прошению уволился из 2-го класса семинарии в 1893 году. [2]

   Сразу же, в июле 1893 году он был определен псаломщиком к Успенской церкви с.Верблюжка, Александрийского уезда. [3] Здесь он трудится учителем церковно-приходской школы, проявляя в работе высочайшую добросовестность. Его ученики всегда отлично усваивали материал и, как результат, имели твердые знания. В Отчете о состоянии церковно-приходских школ за 1896 год псаломщик Иаков Илличевский был назван одним из наиболее усердных и опытных в школьном деле. [4] Через короткое время, 23 марта 1896 г. его определили уже на место псаломщика в с.Калиновка того же уезда. [5] Туда он отбыл со своей супругой Клавдией.  

   14/27 июля 1896 года в семье псаломщика Иакова Илличевского и его жены Клавдии родился сын Владимир. Таинство крещения на следующий день совершил священник Александр Курлов, а восприемниками младенца стали мать Иакова Александра Афанасьевна и воспитанник Херсонского Духовного училища Пантелеимон Рыбальченко. Но великая радость о рождении первенца, сменилась скорбью: мальчик скончался 3-х дней от роду. [6]

   В этом же году 22 февраля Иаков Илличевский был рукоположен во диакона. [7] Давно уже его душа стремилась служить у престола, и это благочестивое желание было исполнено Господом. После кончины сына Господь утешил о.Иакова и матушку Клавдию рождением двух дочерей.

   5/18 февраля 1898 года у них родилась Валентина, которую 10/23 февраля, в день памяти св. мученицы Валентины крестил о.Александр Курлов. Он же выступил восприемником, а крестной матерью стала супруга настоятеля Рождество-Богородичного храма Мария Беликова. [8] А 18 февраля/1 марта 1900 года родилась дочь Антонина. У нее были те же восприемники [9]

   27 марта по ст.ст/2 апреля по н.ст. 1902 года  в семье Илличевских появился и сын, названный Георгием. Родители воспитывали всех своих детей в вере, своим примером показывая, как нужно любить Бога, как относиться к Церкви, быть внимательными и участвовать в богослужении, иметь молитву как одну из основ жизни православного христианина.

   16 октября 1900 года Резолюцией Его Высокопреосвященства, Высокопреосвященнейшего Иустина, архиепископа Херсонского и Одесского, диакон Иаков Илличевский, согласно прошению, был перемещен к Успенской церкви г.Одессы на вакантное место. [10] Здесь о.Иаков сподобился сослужить прав. Ионе Атаманскому. В Одессе он прослужил до 1905 года. Постоянно и горячо молился о том, чтобы Господь сподобил его быть не только помогать при совершении таинств, а самому эти таинства совершать и быть добрым пастырем на Его ниве.

   26 апреля 1905 года диакон Иаков Илличевский определен на священническое место к Покровскому храму с.Буличево (Петровки), Мартоношской волости, Новомиргородского стана, [11] а 30 апреля состоялось рукоположение его во пресвитера. Священническую хиротонию совершил Преосвященный епископ Феодосий во время литургии в г.Одессе на Большом Фонтане. [12]

   Храм в с.Буличево был деревянный в честь Покрова Пресвятой Богородицы, построенный в 1882 году иждивением прихожан вместо сгоревшего, который построен в 1833-м на средства помещика – подпоручика Булича. К нему были приписаны несколько окрестных деревень: Марьевка,  Марьянополь, Ивановка, Духова, Пурпурова Балка (Графская), Покровка и Журовское Товарищество. К этому времени в семье о.Иакова и м.Клавдии было трое детей – 4, 5 и 7 лет. [13]

   Молодой пастырь ревностно отдался служению на назначенном ему приходе. За каждой литургией он говорил прихожанам душеспасительные поучения, стараясь напитать их души Словом Божиим, укрепить в вере, наставляя к постоянной молитве, почитанию воскресных и праздничных дней, усердному чтению Священного Писания. Батюшка был ко всем внимательным и добрым, но в вопросах церковной дисциплины проявлял строгость. Прихожане его очень уважали и старались внимать каждому слову на пользу души.

  1 ноября 1907 года о.Иаков резолюцией Его Высокопреосвященства, Высокопреосвященнейшего Димитрия, архиепископа Херсонского и Одесского, перемещен, согласно прошению, к Покровской церкви с.Счастливого (Овнянка), Александрийского уезда. [14]. Здесь он так же неутомимо продолжал свою пастырскую деятельность, стараясь наставлять и утверждать людей в вере своим собственным благим примером.

      В 1914 году началась Первая Мировая война. С полей сражений стали поступать многочисленные раненые воины, на содержание и уход за которыми в госпиталях требовались постоянные средства. Конечно, Церковь не оставалась в стороне от их нужд: по всем приходам систематически осуществлялся денежный сбор в пользу раненых и больных солдат. О.Иаков призывал своих прихожан оказывать также посильную помощь. Так, в Херсонских Епархиальных ведомостях было отмечено, что "поступили в Общество дам духовного звания Херсонской епархии на нужды раненых и больных воинов и семейств запасных через Канцелярию Его Высокопреосвященства следующие пожертвования… от священника с.Счастливого (Овнянки), Александрийского уезда, Иакова Илличевского 3 р., исполняющего обязанности псаломщика И.Агапова 1 р.. церковного старосты А.Колесника 1 р., крестьян с.Овнянки 5 р. 56 к., собрано в церкви 5 р. 17 к." [15]

   22 апреля 1915 года о.Иаков за труды на церковной ниве резолюцией Высокопреосвященнейшего Назария, архиепископа Херсонского и Одесского, был награжден набедренником. [16]

   Обе дочери о.Иакова окончили Одесское Епархиальное женское училище с правом на звание домашних учительниц: Валентина – в 1914 году [ХЕВ, 1914, №13, с.181], а Антонина – в 1916-м [17]. Обе учились хорошо и добросовестно, и сердца родителей утешались плодами воспитания. А сын Георгий успешно окончил Елисаветградское духовное училище с правом поступления в Одесскую Духовную Семинарию без экзаменов. [18] О.Иаков и матушка сумели привить детям те качества, за которые впоследствии не приходилось стыдиться ни перед собой, ни перед окружающими. Впоследствии Георгий эмигрировал в Париж, обучался в Сорбонне на математическом факультете.

   1917 год явился переломным в истории страны и Церкви. Наступил революционный хаос, повлекший за собой разрушение всех тех основ, на которых строилась человеческая жизнь. Главным для новой власти стала борьба с Церковью, священнослужителями и верующими, уничтожение святынь, словом, попытки основать новое общество и новую страну на безбожной почве.

   26 января 1918 года о.Иаков был перемещен из с.Счастливого к Феодоро-Тироновской церкви пос.Новой Праги, того же Александрийского уезда. [19] Этому приходу в скором времени было суждено стать его Голгофой.

  Храм был возведен на средства Радченко Федора Максимовича. Постройка его была окончена только в 1918 году, и учитывая то что в Новой Праге уже существовали три храма, о.Иакову в весьма тяжелых условиях пришлось организовывать и налаживать приходскую жизнь с самого начала.

   Многие жители Новой Праги слишком быстро увлеклись идеями, проповедуемыми новой Советской властью. Позже, уже к 40-летнему юбилею Октябрьской революции газета "Ленінським шляхом" писала на своих страницах, что "трудовое крестьянство села Новой Праги встретило революционные события как самый большой праздник". [20] Коммунистические призывы оказались более привлекательными, чем Христовы заповеди, но о.Иаков стремился проповедовать Слово Божие неустанно и не оставлял своего дела, на которое был избран и призван Самим Христом. Уже в январе 1918 года коммунисты-революционеры взяли власть в свои руки в поселке, причем в одном из первых в Александрийском уезде. Однако 21 марта Новую Прагу заняли петлюровцы. А 21 ноября власть вновь перешла в руки Советов.

   Бурную, полную потрясений картину этих событий в своих воспоминаниях раскрывает непосредственный их участник Рябчук Герасим Никитич, убежденный революционер и воинствующий безбожник, явно гордившийся своей "героической" деятельностью. Он состоял членом красногвардейского отряда, боровшегося с "контрреволюцией": помещиками, священниками, кулаками и т.п. Вот что он сам говорил об этом времени: "После разгрома державной варты начали восстанавливать Советскую власть, организовывались военно-революционные комитеты, перепуганная буржуазия, помещики, попы, скрывшиеся вартовые, таким внезапным переворотом начали разбегаться, но бежать было некуда: у их покровителей-немцев в Германии тоже началась революция. По своим заслугам получили палачи за кровь и слезы народа. По приговору Новопражского военно-революционного комитета все контрреволюционеры были казнены" [21]

Военно-революционный трибунал был организован в апреле 1919 года. [22]

Ткачов С.П. в газете "Ленинским путем" писал в 1957 году, что в Новой Праге был создан ревком, в который вошли все, кому была дорога Советская власть, был создан отряд, который разбили на взводы и отделения. В Новой Праге и соседних селах загон расстреливал бандитов и куркулей, поднявших голову. Ревком работал круглосуточно. [23]

 

   9 октября 1919 года газета "Одесский листок" на своих страницах разместила предоставленный канцелярией управляющего Одесской епархией список священнослужителей Херсонской епархии, мученически пострадавших. Среди них значился и настоятель Федоро-Тироновской церкви пос.Новая Прага священник Иаков Илличевский. [24]

   Его похоронили около храма. Но через некоторое время храм был уничтожен, равно как и захоронение, поэтому точное местонахождение могилы оставалось неизвестным долгое время.

   В 1972 году на месте Федоро-Тироновской церкви началось строительство Дома культуры. Трудилась над ним бригада рабочих из Армении, оттуда же доставлялся стройматериал – армянский туф. В ходе работ была обнаружена стена от церковного фундамента – ее решили не трогать. А когда с помощью трактора раскапывали землю вокруг, то ковш наткнулся на одинокую могилу. Строители прекратили работу, и кто-то из них открыл крышку. Все увидели лежащего в гробу священника в зеленых ризах, с крестом и кожаным Евангелием на груди. Была вызвана милиция и представители райкома. Последние забрали крест и Евангелие с собой. То, что осталось, рабочие с благоговением сложили в гроб к телу, накрыли его снова крышкой и аккуратно зарыли на некотором расстоянии от стройплощадки. Вскоре, чтобы место могилы о.Иакова не было потеряно снова, рядом посадили иву. По прошествии лет она была спилена. Но место упокоения Христова мученика на этот раз не осталось в безвестности. С Божьей помощью, во многом благодаря воспоминаниям свидетелей, удалось обнаружить могилу и обрести честные останки о.Иакова. Это событие, по благословению Высокопреосвященнейшего Боголепа, архиепископа Александрийского и Светловодского, состоялось 29 мая 2020 года. Останки батюшки были подняты из недр земли и с честью перенесены в кафедральный собор г.Александрии.

   По воспоминаниям старожилов о.Иаков претерпел смерть именно от рук коммунистов. Его имя поминается за каждым богослужением, так как память о мученике не должна изгладиться в напоминание слов: "В память вечную будет праведник".

 Чреду священнослужения в Федоро- Тироновском храме продолжил в 1919 году священник Сергий Степанович Карлашевич, а после того, как 25 мая 1926 года он переехал в местечко Казанку, Криворожского округа, [25] службу продолжил священник Парфений Сафонович Федорчук. [26] 8 августа 1927 года о.Парфений перешел на службу в Свято-Николаевский храм с.Петрово, откуда был сослан на север, где и умер приблизительно в 1932-33гг.. [27,28]. Следующим священником стал о. Василий Белышев. [29], после закрытия храма перешел на службу в с.Андреевка (Донбасс), где в начале 30-х годов был арестован и сослан на север, умер на Донбассе в декабре 1962 года в окрестностях Куракова. [30]

  Безбожной властью велась пропаганда по закрытию храма путем лекций и докладов на антихристианские темы в соседствующем с храмом доме культуры. Вследствие этого в день Покрова Пресвятой Богородицы, 14 октября 1929 года, местные активисты провели свой праздник "День урожая и коллективизации", на котором подняли вопрос о закрытии храма и передачи здания храма под заведение культпросвета. "За" - проголосовало более 3000 человек присутствующих. [31] Храм закрыли, превратили в клуб, а во время Великой Отечественной войны 1943 году отступающие румынские войска храм разобрали.

  Молитвенная память о добром пастыре пострадавшем за Христа в Новой Праге, жива и через 100 лет.

 

   1. ХЕВ, 1890, №16, с.304;

   2. ХЕВ, 1893, №19, с.317;

   3. ГАКО ф. 147, оп.1, д. 19, с. 34;

   4. ХЕВ, 1897, №20, с.611;

   5. ХЕВ, 1896, №8, с.163-164;

   6. ГАКО, ф.344, оп.1, д.22, л.29об.-30, 71;

   7. ГАКО, ф.344, оп.1, д.23, л. 8 об.-9, 71;

   8. ГАКО, ф.344, оп.1, д.24, л.7об.-8;

   9. ГАКО, ф.344, оп.1, д.25, л.19об.-20;

   10. ХЕВ, 1900, №21, с.344;

   11. ХЕВ, 1905, №09, с.9;

   12. ХЕВ, 1905, №10, с.363;

   13. Справочная книга Херсонской епархии, 1905, с.510-511;

   14. ХЕВ, 1907, №22, с.413;

   15. ХЕВ, 1914, №18, с.278-279;

   16. ХЕВ, 1915, №9, с.83;

   17. ХЕВ, 1916, №13, с.305;

   18. ХЕВ, 1916, №10, с.272;

   19. ХЕВ, 1918, №2, с.17;

   20. "Ленінським шляхом", №77;

   21. ГАКО, П-5909, оп.1, д.135, с.13;

   22. ГАКО, П-5909, оп.1, д.153, с.4;

   23. "Ленінським шляхом", №82, с. 1;

   24. "Одесский листок", 1919, 9 октября.

   25. ГАКО ф. 249, оп.1, д. 446, с. 27-27 об.;

   26. ГАКО ф. 249, оп. 2, д. 447, с. 149;

   27. ГАДО, ф.р. 6408, оп. 2, 9155,9156 с. 347;

   28. ЦГАООУ,  Ф.П. -263, оп. 1, д. 65744, т. 10 с. 12;

   29. ГАКО ф. 249, оп. 2, д. 506, с. 24 об.-25;

   30. Пивовар А.В., Гуменюк А.С., Гуменюк Є.М. Чечелівський монастир. Київ,  

        Академперіодика, 2019, с.339;

   31. ГАКО ф. 1185, оп. 1, д. 560, с. 6;

"Духовенство Одессы 1794-1925",  издание музея "Христианская Одесса"  г.Одесса 2012г. с.187.

 

 

 

 

 

 

 

 

 

 

 

 

 

 

 

Херсонский Епархиальные Ведомости, 1905, №09, с.9;

 

 

Херсонский Епархиальные Ведомости, неофициальная часть, 1905, №10, с.363;

 

 

 

 

Справочная книга Херсонской епархии, 1905, с.510-511;

 

 

 

 

 

 

 

Херсонский Епархиальные Ведомости, 1918, №02, с.17.

 

 

Газета "Одесский листок", 09/22 октября 1919, №141, стр.4.

 

 

С Л У Ж Б А

священномученику Иакову (Илличевскому),

пресвитеру Ново-Пражскому (+1919)

 

 

НА ВЕЛИКОЙ ВЕЧЕРНИ

 

На Господи, воззвах: стихиры мученику, глас 2:

В багряныя ризы / кровию твоею облачился еси / и явился еси истиннейший священник Бога Вышняго, / во Царствии Небеснем ныне пребываеши, / священномучениче Иакове, // молися даровати нам грехов прощение и веры утверждение.

Пастырю Христов Иакове, / мучением своим возвеселил еси горния силы, / нам же на земли праздник добропобеднаго твоего преставления даровал еси, / в немже страдания твоя прославляюще, / яже за Церковь Божию претерпел еси, / славословим Христа, Бога нашего, / даровавшаго нам таковаго ходатая // и молитвенника о душах наших.

Отче Иакове всечестне! / Ты во времена гонений лютых / за распятаго и воскресшаго Христа / от безбожников неповинно убиение приял еси, / и ныне лицезрения Божественныя красоты насыщающися, / со всеми ангелы и святыми / моли Спаса нашего умирити мир // и спасти души наша.

Днесь память совершаем страстотерпца Иакова. / Молятся людие, к раце мощей его притекающе / в нуждах и скорбех, в бедах и болезнех. / Не остави чад своих, с любовию поющих ти: / веселися и радуйся, верный слуго Христов // и молитвениче о душах наших.

Слава, глас 8:

Днесь светло ликует Александрийская земля, / прославляя священномученика своего, / и к нему усердно взывает: / отче Иакове всечестне, / укрепи Православие во отечестве нашем молитвами твоими / и всем чтущим Тя скорбей и напастей избавление даруй // и благодать Христову спасительную испроси.

И ныне, Богородичен: Царь Небесный:

Вход. Прокимен дне и чтения.

Пророчества Исаиина чтение (глава 43):

 Тако глаголет Господь: вси языцы собрашася вкупе и соберутся князи от них. Кто возвестит сия в них или яже от начала, кто слышана сотворит вам? Да приведут свидетели своя и оправдятся, и да услышат, и да рекут истину; будите Ми свидетели, и Аз Свидетель, глаголет Господь Бог, и Отрок, Егоже избрах, да познаете и веруете Ми, и разумеете, яко Аз есмь: прежде Мене не бысть ин бог, и по Мне не будет. Аз есмь Бог, и несть разве Мене спасаяй. Аз возвестих и спасох, уничижих, и не бе в вас чуждий. Вы Мне свидетели, и Аз Господь Бог, и еще от начала Аз есмь: и несть от рук Моих избавляли; сотворю, и кто отвратит то? Сице глаголет Господь Бог, избавляяй вас Святый Израилев.

Премудрости Соломони чтение (глава 3):

 Праведных души в руце Божией, и не прикоснется их мука; непщевани быша во очесех безумных умрети, и вменися озлобление исход их, и еже от нас шествие - сокрушение; они же суть в мире. Ибо пред лицем человеческим аще и муку приимут, упование их безсмертия исполнено; и, вмале наказани бывше, великими благодетельствовани будут: яко Бог искуси я, и обрете их достойны Себе. Яко злато в горниле искуси их, и яко всеплодие жертвенное прият я. И во время посещения их возсияют, и яко искры по стеблию потекут. Судят языком и обладают людьми, и воцарится Господь в них во веки. Надеющиися Нань разумеют истину, и вернии в любви пребудут Ему; яко благодать и милость в преподобных Его, и посещение во избранных Его.

Премудрости Соломони чтение (главы 5 и 6):

 Праведницы во веки живут, о Господе мзда их, и попечение их у Вышняго: сего ради приимут царствие благолепия и венец доброты от руки Господни, зане десницею покрыет я и мышцею защитит их. Приимет всеоружие - рвение Свое, и вооружит тварь в месть врагом. Облечется в броня правды и возложит шлем - суд нелицемерен. Приимет щит непобедимый - преподобие. Поострит же напрасный гнев во оружие; споборет же с Ним мир на безумныя. Пойдут праволучныя стрелы молниины, и, яко от благокругла лука облаков, на намерение полетят. И от каменометныя ярости исполнь падут грады; вознегодует на них вода морская, реки же потопят я нагло. Сопротив станет им дух силы, и, яко вихор, развеет их, и опустошит всю землю беззаконие, и злодейство превратит престолы сильных. Слышите убо, царие, и разумейте; навыкните, судии концев земли. Внушите, держащии множества и гордящиися от народов языков: яко дана от Господа держава вам, и сила от Вышняго.

На стиховне стихиры, глас 2:

Подобен: Доме Евфрафов:

Дом Духа Святаго / явился еси, Иакове всечестне, / благодатию Господней, / просвещая и наставляя всех // верою притекающих к тебе.

Стих: Многи скорби праведным, / и от всех их избавит их Господь.

Мучениче славне, / молитвенниче о нас теплейший, / услыши моления наша / и избави от всяких бед // благочестно чтущих тя, Иакове.

Стих: Воззваша праведнии, и Господь услыша их, / и от всех скорбей их избави их.

Царство Божие, / Иакове отче всеславне, / наследовал еси страданием, / и Небесный чертог воистинну, // и свет незаходимый.

Слава, глас тойже:

Услыши наша моления, / Иакове мучениче славне, / любовию к тебе прибегающих, / и сердечная подавай прошения // чтущим святую память твою.

И ныне, Богородичен, глас и подобен тойже:

Пресвятая Мати Божия, / с лики дев святых / молися из Тебе Воплощенному, / Солнцу Правды, Господу, / спасти и просветити души наша.

Тропарь, глас 1:

Украшение пастырей явился еси, / священномучениче Иакове всечестне, / Бескровную Жертву усердно Богу приносящи / и в добродетелех возрастающи, / сподобился еси венец победы от Христа прияти, / и благодать, во еже молитися о душах наших.

 

НА УТРЕНИ

По 1-м стихословии седален, глас 4:

Воистину Ты, Христе, / апостолов похвало и мучеников радование, / молитвами угодника Твоего Иакова, / проповедь Твою совершившаго, // даруй нам во Истине непоколебимое утверждение.

Слава, и ныне, глас тойже:

Едина истинная христиан Покровительнице, / всяких лютых обстояний, / бед и скорбей нас избави // и молитвами Твоими спаси души наша.

По 2–м стихословии седален, глас 6:

Светлый твой, Иакове, праздник вся созва радостно на трапезу днесь, / предложив страданий твоих борения, мужество и противление, // имиже насыщшеся, верою тя и любовию ублажаем.

Слава, и ныне, глас тойже:

Устами и сердцем величаем Тя, / Дево Мати: / Ты же, рождшая Бога, // не отрини нас от Твоего заступления.

Величание:

Величаем тя, / священномучениче отче Иакове, / и чтим честная страдания твоя, // яже за Христа претерпел еси

Псалом избранный:

1-й лик: Исповемся Тебе, Господи, всем сердцем моим о милости Твоей и истине Твоей.

2-й лик: Господь Помощник мой, на Него упова сердце мое, и исповемся Ему.

1-й лик: Поношения поносящих Ти нападоша на мя.

2-й лик: Изведи из темницы душу мою исповедатися имени Твоему.

1-й лик: На Бога уповах, не убоюся, что сотворит мне человек.

2-й лик: Исповемся имени Твоему, Господи, яко благо, яко от всякия печали избавил мя еси.

1-й лик: Глаголах о свидениих Твоих пред цари и не стыдяхся.

2-й лик: От бездн земли паки возвел мя еси, ибо аз исповемся Тебе в людех, Господи.

1-й лик: Веселитеся, праведнии, о Господе и исповедайте память святыни Его.

2-й лик: Да исповедятся Тебе, Господи, вся дела Твоя.

По полиелее стихира святому, глас 8:

О, прехвальне отче наш Иакове! / Пострадавый добльственно и славно увенчавыйся, / Троицу Единосущную исповедуя, / ныне хвалу Творцу воспеваеши радуяся. / Не остави нас немощных и унывающих, / скорбьми века сего отягченных. / Буди нам помощник и молитвенник // за Отечество твое земное.

Слава, и ныне, глас тойже:

Тя надежду, прибежище и Предстательницу обретше, вернии, / к Тебе притекаем и прилежно вопием: / помилуй, Богородице, на Тя уповающия / и прегрешений оставление нам испроси // молитвами Твоими, Пречистая.

Таже степенна, 1-й антифон, глас 4. Прокимен, глас 4: Возвеселится праведник о Господе / и уповает на Него. Стих: Услыши, Боже, глас мой, внегда молитимися к Тебе. Всякое дыхание: Евангелие от Матфея, зачало 36.

По 50-м псалме стихира самогласна, глас 6:

Радуяся шествовал еси стезею мучения, прехвальне, / ранами телесе своего попрал еси главу вражию, / исповеданием имени Христова просвещая люди, / восход совершил еси в Горнее Царство страданием, // Господу победоносец явлься, Иакове всеславне.

Канон святому, глас 2:

Песнь 1

Ирмос: Грядите, людие, / поим песнь Христу Богу, / раздельшему море, / и наставльшему люди, яже изведе из работы египетския, // яко прославися.

Достойно восхвалим, вернии, мученическую кончину Господня проповедника Иакова, / егоже мучения и смерть не разлучи от любве Божия. / Егоже молитвами да дарует нам Христос щедроты Своя.

Никая изящная витийства довлеют, / во еже прославити Тя, святе Иакове, / из млада Христа возлюбившаго / и непостыдно смерть и страдания за Него претерпевшаго.

Скончал еси житие твое мученически, пастырю Иакове, / жребия высокаго от Господа удостоившись, / и пребываеши ныне отонудуже отбеже всякая болезнь, печаль и воздыхание.

Богородичен: Неболезновавшая чревом, родшая Христа Господа, / мольбами Твоими матерними исцели болезни душ и телес наших, / да благодарно Сыну Твоему приносим победную.

Песнь 3.

Ирмос: На камени мя веры утвердив, / разширил еси уста моя на враги моя. / Возвесели бо ся дух мой, внегда пети: / несть свят, якоже Бог наш, // и несть праведен паче Тебе, Господи.

Весь любовию Христовою укреплься, пребогате, / плоть преобидел еси, яко растлетися хотящу, / и претерпел еси муки, нравом мужественным обличив богоборческую прелесть.

Лику мученическому сопричисленный, / жертвою непорочною явился еси, святе Иакове, / буди молитвенник теплый и предстатель непостыдный о душах наших.

Во убиении твоем дивно прославися имя твое, отче Иакове священне, / и ныне собрася окрест мощей твоих новая чада твоя, / ожидающе от тебе помощи и заступления.

Богородичен: Ангелов удивление, человеков дерзновение, Богородице Чистая, Приснодево, / моли Христа Бога, спасти непрестанно Тя блажащия.

Седален, глас 1:

С похвалами память твоя сотворяется светло, / священномучениче славне Иакове, / и радости наполняет православныя соборы, / яко правду возлюбльшаго, / и Христу верность даже до смерти показавшему, // и чаяние воскресения мертвых утверждающаго.

Слава, и ныне, глас тойже:

Упование христиан, Пресвятая Дево, / Егоже родила еси Бога, паче ума же и слова, / непрестанно моли с вышними Силами / подати оставление грехов наших всех // и исправление жития верою и любовию присно Тя славящим.

Песнь 4.

Ирмос: Пришел еси от Девы, / не ходатай, ни Ангел, / но Сам, Господи, воплощся, / и спасл еси всего мя человека. / Тем зову Ти: // слава силе Твоей, Господи.

Тя, священномучениче отче наш, песнословим, / радуйся, тебе, Иакове, зовуще: / хранилище всех и ограждение и священное прибежище.

Христу Иисусу, Агнцу Божию, служити хотя, / приял еси за Него смерть страдальческую, / и, восходя от земных в Горняя, приял еси венец победный.

Одесскому чудному пастырю Ионе сомолитвенник явился еси, Иакове Боголюбезне, / и ныне вкупе с ним и прочими святыми ходатайствуеши о роде нашем.

Богородичен: Песньми, Всепетая Дево Марие, / ро́ди христианстии почитают Сына Твоего Пребожественнаго, любовию поюще: / слава силе Твоей, Господи.

Песнь 5.

Ирмос: Света подателю и веков Творче, Господи, / во свете Твоих повелений настави нас; // разве бо Тебе иного бога не знаем.

Образ был еси верным: словом, житием, любовию, / сего ради вселися в тя Дух Святый, отче Богоносе, / и нам, помолися, стяжати благодать Того.

Освятися Новая Прага мученическою кровию твоею, Иакове славне, / сего  ради  наполнишася  души наша радостию и веселием, / яко дарова нам Господь молитвенника во утешение и спасение душ наших.

Святому алтарю предстоя, о иерею Христов Иакове, / умом в горняя возносился еси, идеже мучеников собор пред Святым Божиим Престолом вопиет: / разве бо Тебе иного бога не знаем.

Богородичен: Льщением человекоубийцы древняго праотцы наша от Присносущныя Жизни отпадоша: / Рождеством Твоим, Чистая, земнороднии вси паки в рай восхищенни быхом.

Песнь 6.

Ирмос: В бездне греховней валяяся, / неизследную милосердия Твоего / призываю бездну: // от тли, Боже, мя возведи.

Яко сосуду благодати Божия, припадем, вернии, / к мощем мученика Христова Иакова, / за паству свою усердно молящагося и к Единому Пастырю — Христу сию приводящаго.

Свидетельство любве жертвенныя Христу показал еси — / ранами уязвленное честное тело твое, всеславне, / и быв верен Богу даже до смерти, / венец жизни от Него приял еси.

Кровьми твоими обрел еси, Иакове, светлость вечнующия славы, / и радость, никогдаже престающую, / и венцы Небесныя, и сияние невечернее.

Богородичен: Исполнися на Тебе пророчество Симеоново и оружие про́йде душу Твою, / темже мучеником и исповедником Стена Нерушимая / и Помощь присно бываеши, Богомати Всечистая.

Кондак, глас 2:

Ревности мученика Феодора Тирона подражая, / беды претерпел еси и искушения вражия, Иакове славне, / и мужески обличил еси безбожныя, / душею воспарил еси в Небесныя чертоги, / тело же твое честное на земли нам оставил еси. / Моли Христа Бога, отче всечестне, // грехов оставление даровати чтущим любовию святую память твою.

Икос:

Ангелов лики и люди земли Александрийския зело удивишася, / зряще пастыря добраго на судище, аки злодея безбожными ведомаго / и того, яко истиннаго воина Царя Небеснаго / даже до смерти непостыдное свидетельство. / Тем же и мы, о подвизе твоем, святе Иакове, умиляющеся, зовем тебе: / Моли Христа Бога, отче всечестне, // грехов оставление даровати чтущим любовию святую память твою.

Песнь 7.

Ирмос: Юноши благочестивыя пещи огненней приобщившияся, / шумящ дух росный невредимы сохрани, / и Божия ангела снизхождение. / Темже в пламени орошаеми благодарственно воспеваху: // препетый отцев Господи и Боже, благословен еси.

Любовию страстворився Христу, возлюбившему тя, / и Тому последовал еси, / даже во страданиих Ему поя: / препетый отцев Господи и Боже, благословен еси.

Яко злато в горниле очищено явлся еси, Иакове добропобедне, / во страданиих крепчайше адаманта пребыл еси, Христу вопия: / препетый отцев Господи и Боже, благословен еси.

Лютых дней горнилом испытан быв и огнем осолився, / яко истинное чадо Божие Христом обретен еси, Емуже поеши: / препетый отцев Господи и Боже, благословен еси.

Богородичен: Тьмою лютою жития объят быв: / Твоею светлостию, Дево Марие, разреши тьму прегрешений / и озари пети достойно Сыну Твоему и Спасу мира: / препетый отцев Господи и Боже, благословен еси.

Песнь 8.

Ирмос: Пещь иногда огненная в Вавилоне действа разделяше, / Божиим велением халдеи опаляющая, / верныя же орошающая, поющыя: // благословите, вся дела Господня, Господа.

С молитвою, бывшей во устех твоих, страдальче Иакове, / предал еси душу твою в руце Живаго Бога / и победоносно со славою возшел еси в чертог Его Небесный, взывающи: / благословите, вся дела Господня, Господа.

Ангел Отечества твоего явился еси в житии твоем, священномучениче, / и по смерти ныне пред Богом предстоиши, за нас ходатайствуя и призывая пети с тобою: / благословите, вся дела Господня, Господа.

Троичен:  Яко  Единицу естеством,  Тя  пою,  Божество Всесвятое, / в триех ипостасях Единаго Создателя, радуяся зову: / благословите, вся дела Господня, Господа.

Богородичен: Слово Отца Небеснаго Единосущное / от кровей Твоих девственных воплотися, Марие Чистая, / Емуже благодарственне зовем: / благословите, вся дела Господня, Господа.

Песнь 9.

Ирмос: Безначальна Родителя Сын, Бог и Господь, / воплощься от Девы нам явися, / омраченная просветити, / собрати расточенная: // тем всепетую Богородицу величаем.

Яви тя Господь, пастырю Иакове, единаго от новомучеников, / иже в последняя лета ко Христу кровьми своими пришедших / и ныне на Небесех молящихся о спасении душ наших.

Всем, под кров твой прибегающим, и тебе с верою молящимся людем, / буди дарований духовных податель, телесных же болезней целитель / и пред  Господем теплый  предстатель, Иакове всечестне, / церкве Христовы славо и украшение.

Душу твою ныне имать Небо, / земля  же  земную сень  тела: / прешел бо еси, радуяся, к желанию крайнему, ко единому сущему блаженству, / к жизни воистину нестареемей, / к Свету невечернему, Иакове Богомудре.

Троичен: Триипостасный Боже наш, / новых мучеников Твоих приемый подвиги и преславно увенчавый их, / тех предстательством спаси воспеватели Твоя / и сподоби нас вечно славити Державу Твою.

 

Богородичен: Глас Тебе ангелов, Пречистая, вопием: / радуйся, спасение всех человеков / и славных мучеников Божественное венчание.

Светилен:

Предстоящи ныне Трисиянному Великому Свету / и пребывающе в неизреченней светлости со всеми святыми, / помяни всех нас, Иакове всечестне, / память твою светоносно совершающих.

Слава, и ныне, Богородичен:

Света Превечнаго родила еси нам, Христа, Бога нашего, Пречистая Дево, / избавльшаго весь мир от лести диавола. / Темже молим Тя: не престай Его молити, / да подаст нам милость Свою.

На хвалитех стихиры, глас 4:

Веселися и торжествуй, церковь Божия, / имея в себе мощи славнаго мученика Иакова, / иже днесь предстоит Невечернему Свету, / зрит неизреченную Его доброту / и присно Владыку Христа молит // даровати душам нашим мир и велию милость.

Богоблаженне мучениче Иакове, / от земли преставився, востекл  еси  к Небесным, / и в Горних жити селениих сподобился еси, / жизнь свою всецело Христу отдав, / Егоже ныне моли // даровати душам нашим мир и велию милость.

Приидите, благоверных людей множества, / светло празднуим память святаго мученика, / иерея всеславнаго Иакова, / пастыря добраго и Новыя Праги молитвенника, / с любовию вопиюще к нему: / твоим предстательством ко Христу Богу / от всякия скорби и беды избави нас.

Любве ради Христовы мучения претерпевши, / от Царя и Владыки венцем победы венчался еси / и с лики святых Ангел и Архангел / в неизреченней славе ныне предстоиши Престолу Владычню. / Поминай и нас, Иакове блаженне, / совершающих святую память твою // и ублажающих мученическая страдания твоя.

Слава, глас 8:

Воспеваем житие твое всечудное / и чтим в Горняя преселение твое праведное, / лобызаем мощи твоя честныя, / токи благодатей нам источающия, / и празднуем радостно всесвященную память твою, // Иакове мучениче всечестне.

И ныне, глас тойже:

Владычице, приими молитвы раб Твоих / и избави нас // от всякия нужды и печали.

Славословие великое и отпуст.

 

НА ЛИТУРГИИ

Прокимен, глас 4: Святым, иже суть на земли Его, / удиви Господь вся хотения своя в них. Стих: Презрех Господа предо мною выну, / яко одесную мене есть, да не подвижуся. Апостол к Галатом, зачало 214. Аллилуиа, глас 4: Воззваша праведнии, и Господь услыша их, и от всех скорбей их избави их. Стих: Многи скорби праведным, и от всех их избавит я Господь. Евангелие от Иоанна, зачало 51.  Причастен: В память вечную будет праведник, от слуха зла не убоится.

МОЛИТВА

Дивный мучениче и исповедниче Христов Иакове! Ныне почитающе святую память твою, к тебе мы усердно прибегаем и во умилении сердец наших молимся.

Испроси нам благодать, просвещающую нас, да ею осеняеми, в вере и благочестии, в подвизех целомудрия и любви преуспевати будем и Христу в ближних Его служити неленостно потщимся.

Моли убо Спаса нашего, отче всечестне, да сподобит нас странствие наше земное непреткновенно совершити, и в мире и покаянии житие наше проводити, да тако на земли поживше, вечныя и блаженныя жизни на небеси сподобимся и тамо с тобою и со всеми святыми вкупе восхвалим Троицу Единосущную и Нераздельную, и воспоем Едино Божество и Царство, Отца и Сына и Святаго Духа во веки веков. Аминь.

 

СХВАЛЕНО

Синодальною Літургічною комісією

Української Православної Церкви

 

 

митрополит Новокаховський і Генічеський,

голова Комісії

 

 

Тропарь и кондак

священномученику Иакову Илличевскому

 

Тропарь, глас 1:

Я́коже звезда́ на тве́рди небе́сней,/ та́ко яви́лся еси́ в со́нме му́чеников,/ пострада́в за Христа́, пресла́вне,/ и зе́млю Александри́йскую кровми́ свои́ми освяти́в,/ священному́чениче Иа́кове,/ моли́ Христа́ Бо́га мир дарова́ти душа́м на́шим.

Кондак, глас 3:

В ми́ре глубо́це свяще́нное служе́ние соверша́л еси́,/ от си́лы в си́лу восходя́ и в моли́тве непреста́нно пребыва́я,/ любо́вию и милосе́рдием Бо́гу угоди́л еси́./ Егда́ же прии́де вре́мя испыта́ния ве́ры твоея́,/ не устраши́лся ниже́ смути́лся,/ но я́коже адама́нт яви́лся еси́/ и венце́м му́ченическим увенча́лся еси́,/ священному́чениче Иа́кове,/ моли́ Христа́ Бо́га спасти́ся душа́м на́шим

 

 

АКАФИСТ

Священномученикам Иакову, Александру, Феодору и Василию.

 

Кондак 1

   Избрании священномученицы земли Александрийския, во времена последняя явленные, кровьми своими веру запечатлевшии и сим венцы нетленныя приявшии, величающе прославльшаго вас Господа, похвальная пения дерзаем вам приносити и во умилении душ наших вопием:

Радуйтеся, священномученицы Иакове, Александре, Феодоре и Василие, воины Христовы непобедимии.

 

Икос 1

   Ангелов сонмы возрадовашася, егда житница небесная обогатися класами полными, яковыми же вы явилися есте, священномученицы прехвальнии. Мы же, недостойнии, на земли живущии, Господа Иисуса Христа зело возблагодариша, егда яви нам подвиги ваша во славу Имене Своего святаго. Сего ради приимите от нас пения сицевая:

Радуйтеся, пастыри на ниве Христовей усерднии;

радуйтеся, звезды на тли небесней немерцаемии.

Радуйтеся, души свои за Христа положившии;

радуйтеся, жизнь вечную обретшии.

Радуйтеся,  ангелов немолчнии собеседницы;

радуйтеся, за ны приснии молитвенницы.

Радуйтеся, во страданиих, яко в горниле испытаннии;

радуйтеся, кровьми своими убеленнии.

 

Кондак 2

   Видя Господь добродетели родителей ваших, священномученицы честнии, посла вас яко плоды добрии на ветви, от корене Христова питающиися. Мы же, Премудрость Христову в сем зряще, вопием Ему: Аллилуия.

Икос 2

   Разум Христов имущи, священномучениче Иакове, и веру в Господа Единаго, Ему служити пламенне возжелел еси, от лет младых у храма Божия приметаяся и молитвою душу свою обогащая. Егда же сан священный восприят, пастырь добрый явился еси. Темже, почитающе житие твое во Христе, с радостию вопием ти:

Радуйся, слова Божия проповедниче;

радуйся, душ юных в житии добрем наставниче.

Радуйся, во алтари церковнем с благоговением предстоявый;

радуйся, яко ныне пред Престолом Божиим со дерзновением молишися.

Радуйся, литургии ревностный совершителю;

радуйся, благочестиваго жития ревнителю.

Радуйся, любовь паствы твоея стяжавый;

радуйся, мудрость духовную имевый.

 

                                                                    Кондак 3

   Силою Божиею укрепляемии, священномученицы Иакове, Александре, Феодоре и Василие, не убоялися испытаний, восставших на вы и на Церковь Христову на земли. Сего ради ныне на небеси радуетеся, воспевая прославльшему вас Владыце Христу: Аллилуия.

 

Икос 3

   Имея желание, священномучениче Александре, житие свое в молитве, труде и послушании проводити, во обитель Успения Божия Матере вселился еси. Бог же Всеблагий о тебе промышляя, ин путь тебе уготова и пастырем на ниве Своей тебе содела. Мы же, сему дивящеся, вопием ти:

Радуйся, волю Господню о себе исполнивый;

радуйся, во пресвитерстве благочестно поживый.

Радуйся, Закона Божия в юных душах насадителю;

радуйся, молитвы делателю и учителю.

Радуйся, пламене Божественнаго отражение;

радуйся, веси Ивановския украшение.

Радуйся, Богом данныя таланты в себе умноживый;

радуйся, веры своея во испытаниих не посрамивый.

 

Кондак 4

   Бурю воздвиже враг рода человеча на Церковь Христову в земли нашей, хотя сокрушити силу ея. Господь же яви Вас, священномученицы славнии, яко столпи непоколебимии противу козней его. Вы же в Нем Одном упование свое имущии, вопияли есте Ему непрестанно: Аллилуия.

 

Икос 4

   Слышавше, священномучениче Феодоре, яко был еси отец семейству немалу, обаче заботы житейския не  угасиша единаго на потребу души твоея, дивимся зело. Ты бо душепопечитель ревностный о пастве твоей явился еси, малыя церкви твоея заботою не оставляя, та бо бысть образ жития добраго для духовных чад твоих. Сего ради подвиг твой воспевая, дерзаем приносити ти сицевая:

Радуйся, пастырю, от Бога призванный;

радуйся, Духом Святым напитанный.

Радуйся, благочестиваго корене отрасль честная;

радуйся, молитвы трубо благозвучная.

Радуйся, службы Божия благоговейный совершителю;

радуйся, дисциплины церковныя усердный блюстителю.

Радуйся, труды многи в житии твоем подъявый;

радуйся, в Бозе Единем отдохновение имевый.

Радуйтеся, священномученицы Иакове, Александре, Феодоре и Василие, воини Христови непобедимии.

 

 

Кондак 5

   Боготечныя звезды в земли Александрийстей явилися есте, священномученицы Иакове, Александре, Феодоре и Василие, подвиги вашими ю освятившии и путь следования за Христом до конца показавшии. Мы же недостойнии праведныя труды ваша восхваляюще, вопием Богу: Аллилуия.

 

Икос 5

   Видев, священномучениче Василие, ветхость Дому Божия, идеже службу немощно совершати, возскорбе душа твоя. Сего ради испросил еси благословения Божия и ходатайствова о возведении новаго благолепнаго храма. Сию ревность праведную почитающе, зовем ти тако:

Радуйся, иерее Божий благоговейный;

радуйся, любве ко Господу исполненный.

Радуйся, пастырю любвеобильный;

радуйся, и домашния церкве твоея воспитателю достойный.

Радуйся, о благолепии Дому Божия ревновавый;

радуйся, о возведении храмов усердствовавый.

Радуйся, о неимущих добрый попечителю;

радуйся, милостыни усердный творителю.

Радуйтеся, священномученицы Иакове, Александре, Феодоре и Василие, воини Христови непобедимии.

 

Кондак 6

   Проповедницы жития по Бозе есте вы, священноммученицы всехвальнии, и мужества пред лицем испытаний носителие. Взирающе бо, по глаголу апостола, на кончину вашу за Христа, имамы подражати вере вашей и взывати ко Господу: Аллилуия.

 

Икос 6

   Возсияли есте в сонме святых земли нашея, подвиги и труды, паче же мученическою кончиною за Христа светящи мирови, память бо ваша с похвалами велиими. Мы же, земнороднии, чтуще ю на всяк день, приносим вам сицевая:

Радуйтеся, собор святых Александрийских украшающии;

радуйтеся, землю нашу молитвами ограждающии.

Радуйтеся, светильницы, на свещенице церковнем возжжении;

радуйтеся, стяжавшии венцы нетленныя.

Радуйтеся, Царствия Христова наследницы;

радуйтеся, в житии по Бозе наставницы.

Радуйтеся, до конца претерпевшии;

радуйтеся, Истину до крове соблюдшии.

Радуйтеся, священномученицы Иакове, Александре, Феодоре и Василие, воини Христови непобедимии.

 

Кондак 7

   Хотение имея кийждо из вас, святии, не благ земных, но паче Царствия Небеснаго и жития вечнаго со Христом, единым упованием вашим. Сего ради мук телесных не убоялися есте, ведали бо, яко претерпевый до конца, той спасен будет, сего ради вопияли есте Богу: Аллилуия.

 

Икос 7

   Новую стезю жития твоего начат в веси Новопражстей, священномучениче Иакове, среди мрака безбожнаго свет Христов несущи. Тамо же ти венец мучений уготован бе, егоже ты с честию восприят. Мы же, на подвиг твой взирающе, поем ти тако:

Радуйся, древним мучеником подражавый;

радуйся, токмо на Христа уповавый.

Радуйся, пастырския совести воплощение;

радуйся, лика мученическаго веселие.

Радуйся, жребий свой со смирением приявый;

радуйся, славу святых сим улучивый;

Радуйся, на землю трудов твоих с Небеси взирающий;

радуйся, благословение на ню выну у Господа просящий.

Радуйтеся, священномученицы Иакове, Александре, Феодоре и Василие, воини Христови непобедимии.

Кондак 8

   «Странницы и пришельцы вси есмы на земли», - сие выну в мыслех имели есте, святии, сего ради житие земное без страха пред мучители вашими оставили есте, сего ради и Христос чертоги нетленныя вам уготова, идеже вы ныне поете Ему непрестанно: Аллилуия.

 

Икос 8

   Весь желание имея тела разлучитися и со Христом быти, священномучениче Александре, муки телесныя с радостию претерпевал еси, мучителие же твои лютее зверей хищных истязаша тя. Мы же, терпению непоколебимому твоему дивящеся и страдания за Христа ублажающе, приносим ти таковая:

Радуйся, агнче незлобивый, за Христа закланный;

радуйся, силы Господни в мучениих исполненный.

Радуйся, в канун Успения Пречистыя Владычицы в двери райския вшедый;

радуйся, сим Материю Царя Небеснаго почтенный.

Радуйся, земли нашея славо непреходящая;

радуйся, лампадо Света Божественнаго немерцающая.

Радуйся, молитвенниче наш дерзновенный;

радуйся, ходатаю спасения нашего усердный.

Радуйтеся, священномученицы Иакове, Александре, Феодоре и Василие, воини Христови непобедимии.

Кондак 9

   Всяк, слышай о житии и страдальчестей кончине вашей, священномученицы святии, дивится силе веры вашея, мужеству и терпению неизглаголанному: несть бо возможно прейти сие, аще не пребудет с ним Христос, Емуже глаголем во страсе Божии: Аллилуия.

Икос 9

   Витийство сильных изнеможе, аще начати хвалити тя, священномучениче Феодоре, страх бо твой пред Царем Небесным паче страха земнаго бысть, сего ради мук и смерти телесныя не убоялся еси, еже бо жити ти Христос и смерть – приобретение, яже апостол Божественный глаголет. Сего ради приими от нас таковая:

Радуйся, от врагов Христовых зело претерпевый;

радуйся, славою и честию на Небеси венчанный.

Радуйся, воли Божией послушателю;

радуйся, покорный ея исполнителю.

Радуйся, веру Христову яко камень краеугольный имевый;

радуйся, токмо на Господа взиравый.

Радуйся, Духом Божиим пламенеющий;

радуйся, и нам не угашати Его помогающий.

Радуйтеся, священномученицы Иакове, Александре, Феодоре и Василие, воини Христови непобедимии.

 

Кондак 10

   Спастися всякому человеку хотяй Христос, до конца испыта вас, яко злато в горниле, священномученицы Иакове, Александре, Феодоре и Василие, пройдя бо огнь мучений, ныне во Царствии Его радуетеся и вопиете немолчно: Аллилуия.

 

Икос 10

   Царя Небеснаго слуго верный и истинный в житии твоем был еси, священномучениче Василие, в седине мудрость и разум стяжав, аще и стар леты твоими был еси, дух бо твой зело пламенен бысть, сего ради и смерти от рук безбожник лютых не убоялся еси, единения со Христом Спасителем желая. Мы же, недостойнии, на милость Его уповающии, поем ти тако:

Радуйся, яко Господеви добре послужил еси;

радуйся, яко дух мирен стяжал еси.

Радуйся, твердый веры исповедниче;

радуйся, благочестиваго жития наставниче.

Радуйся, страдании земными не устрашенный;

радуйся, к сонму новомученик причтенный.

Радуйся, чертогов райских со всеми святыми наследниче;

радуйся, Света Небеснаго причастниче.

Радуйтеся, священномученицы Иакове, Александре, Феодоре и Василие, воини Христови непобедимии.

                                                                 Кондак 11

   Пение хвалебное возсылаем вам, священномученицы Иакове, Александре, Феодоре и Василие, благодаряще Бога, явившаго вас во утверждение веры православныя и в назидание нам, на земли живущим, како подобает следовати Христу, воспевающе Ему непрестанно: Аллилуия.

 

Икос 11

   Светозарныя лучи Солнца Правды Христа, Бога нашего, есте вы, священномученицы достохвальнии, озаряете бо всю страну нашу и ограждаете ю молитвами вашими. Мы же, аще и недостойни есмы, обаче любовию горящии, дерзаем от сердец наши возносити вам таковая:

Радуйтеся, Агнцу Божию в ризах белых предстоящии;

радуйтеся, миру всему, аки звезды, светящии.

Радуйтеся, страдальцы Христовы допропобеднии;

радуйтеся, мужества носителие неодоленнии.

Радуйтеся, яко мощми вашими земля наша освятися;

радуйтеся, яко лик мученический именами вашими пополнися.

Радуйтеся, Промысла Божия исполнение;

радуйтеся, величия и славы Его явление.

Радуйтеся, священномученицы Иакове, Александре, Феодоре и Василие, воини Христови непобедимии.

 

Кондак 12

   Благодати Господни носителие есте вы, священномученицы наши славнии, и образи жития по Бозе досточуднии. Мы бо, взирающе на вас, просим и нам помощи, дабы и самим хотя в малей толице добродетелей ваших подражати и вопити на всяк час Господеви: Аллилуия.

 

Икос 12

   Поюще память вашу честную, священномученицы Иакове, Александре, Феодоре и Василие, возсылаем хвалу Господеви Богу нашему, яко явил есть нам имена ваша и подвиг веры во Имя Его и дарова нам молитвенники и ходатаи пред Ним. Сего ради приимите от сердец, благодарения исполненных, таковая:

Радуйтеся, служителие Божии возлюбленнии;

радуйтеся, страдальцы Господни славнии.

Радуйтеся, Церкви Небесныя украшение;

радуйтеся, Церкви земныя ликование.

Радуйтеся, Истины столпи неподвижнии;

радуйтеся, адаманты духовнии непоколебимии.

Радуйтеся, звезды, тьму духовную освещающии;

радуйтеся, хлад греховный молитвами вашими отводящии.

Радуйтеся, священномученицы Иакове, Александре, Феодоре и Василие, воини Христови непобедимии.

 

Кондак 13

   О, святии священномученицы Иакове, Александре, Феодоре и Василие, во времена последняя из забвения людскаго Господем воззваннии, приимите пение наше малое, аще недостойными устны, обаче от сердец благодарных воспетое! Помозите нам в мире сем веру непорочно хранити и вся стрелы лукаваго молитвою крепкою отражати, в испытаниих же твердость духовную имети, заступлением же вашим святым Царствие Вечное наследити, идеже с вами Господеви воспевати выну: Аллилуия.

  

 

 

 

 

 

 

 

 

 

 

 

 

 

 

 

 

 

 


Подпишитесь на нас в Telegram

Администрация сайта не несет ответственности за содержание информации, которая содержится в архивных материалах сайта, и может не разделять мнение их авторов. Ответственность за информацию несет сторона, которая ее предоставила
Интернет-издание "Епархия" (C) 2013-2021. Сайт разработан: В.Коваленко, А.Чумаченко, А.Беляев.
При использовании материалов сайта обязательным условием является ссылка на alexandria-eparhia.org.ua