098 690 42 28 (пн-пт: з 9 до 18 г.)

 

- По благословению Высокопреосвященнейшего Боголепа,
архиепископа Александрийского и Светловодского -

Фейсбук
ВКонтакте
Твиттер
Youtube
Telegram

Ваше Высокопреосвященство Высокопреосвященнейший владыко и милостивый Архипастырь!                                Дорогой Владыка Боголеп !                                 Сердечно поздравляем Вас с днем рождения! От всей души желаем Вам, Дорогой...

Наші банківські реквізити

Управління Олександрійської єпархії УПЦ, ЄДРПОУ 35615671; р/р UA263234750000002600130117920 (2600130117920)/323806\2600301(UAH), ТВБВ №10010/0149, філії Кіровоградське обласне управління АТ "Ощадбанк", МФО 323475.

Жизнеописание священника Александра Балануцы

Жизнеописание священника Александра Балануцы.

            Родился будущий священномученик около 1874 года. Вероятно, он происходил не из духовного сословия, так как получив положенное начальное образование, поступил в учительскую семинарию м.Нового Буга, где готовили учителей для церковно-приходских школ. Проучившись там год, он был уволен оттуда в 1896 году. Причина заключалась, конечно же, не в плохой успеваемости – наоборот, учился он прилежно и хорошо, а в том, что душа его не хотела прилепляться ни к чему земному и отягощаться заботами мира сего.

   После увольнения из учительской семинарии Александр поступил послушником в Одесский Свято-Успенский монастырь, надеясь посвятить свою жизнь Богу. Однако, не было воли Божией на то, чтобы он отгородил себя полностью от мира. Дело в том, что молодой человек был талантливым чтецом, и это не осталось незамеченным у епархиального начальства.

   В 1897 году Александр Балануца был определен исполняющим обязанности псаломщика к церкви во имя преп.Арсения в с.Максимовку (Чорбина) Елисаветградского уезда. Также его назначили учителем местной церковно-приходской школы. Со смирением в душе принял он это назначение, осознавая, что на любом месте можно угождать Богу, вверяя себя Его Святой воле.

   Как учитель Александр проявлял себя строгим, но терпеливым, не просто излагая информацию, а всеми силами стараясь донести ее до учеников. Не удивительно, что последние всегда показывали отличные знания и имели высокие оценки. Педагогический труд Александра в 1903 году был отмечен благодарностью от епархиального начальства.

   26 июля 1906 года Александр Балануца был назначен учителем образцовой школы при Одесской духовной семинарии и диаконом Свято-Андреевского семинарского храма. Рукоположение состоялось 29 августа 1906 года, в день Усекновения Главы Пророка, Предтечи и Крестителя Господня Иоанна.

   Ежегодно 30 ноября, когда празднуется память св. апостола Андрея Первозванного, в семинарии был особо торжественным днем. В Свято-Андреевском храме служилась архиерейским чином Божественная литургия, и в ней неизменно принимал участие учитель и диакон Александр Балануца.

   17 декабря 1913 года псаломщику-диакону Свято-Андреевской церкви при Одесской духовной семинарии Александру Балануце предоставлено священническое место при Михайловской церкви с.Ивановки, Александрийского уезда. Хиротония состоялась через несколько дней в Одесском Спасо-Преображенском кафедральном соборе.

   Давнее желание о.Александра посвятить свою жизнь Богу исполнилось, только здесь, кроме послушания воле Божией и епархиальным властям, добавлялась и огромная ответственность за вверенные его пастырскому попечению души прихожан.

   Он с ревностью отдался служению Богу и людям. За каждой литургией батюшка говорил проповедь на евангельскую тему. Он учил, что всегда нужно стремиться прежде всего видеть и исполнять волю Божию – это то, что всегда старался делать он сам, иметь крепкую веру, ежедневно в молитве испрашивать благословение на свои дела, по воскресным и праздничным дням неопустительно посещать храм, иметь любовь к ближним и творить дела любви.

   Несколько лет прослужил о.Александр в Ивановке, и за это время прихожане полюбили своего настоятеля и всегда прибегали к его духовному совету.

   В 1914 году началась Первая Мировая война. Многие наши соотечественники были призваны на фронт и ушли на поля сражений, оказывая послушание власти и исполняя свой воинский долг. Конечно, с полей прибывало много раненых, о них нужно было заботиться, размещать в госпиталях, ухаживать, лечить, чтобы они снова могли встать на ноги. Для этого требовались немалые средства, как материальные, так и финансовые, сбором которых занимались различные благотворительные общества. Каждый приход старался внести свою лепту в дело помощи пострадавшим от военных действий. О.Александр располагал своих прихожан не оставаться в стороне от горя, принесенного войной, и сам активно участвовал в сборе средств для раненых, больных, военнопленных, вдов солдат. Об этом периодически сообщалось в разделе отчетов в Херсонских Епархиальных ведомостях.

   В 1917 году Его Высокопреосвященством, Высокопреосвященнейшим Назарием, архиепископом Херсонским и Одесским, о.Александр Балануца ко дню Святой Пасхи был награжден скуфьей. А немного позже, 3-4 августа он был утвержден в составе благочиннического совета по Новогеоргиевскому округу, Александрийского уезда, сроком на три года.

   Теперь, кроме приходских дел, на батюшку легли определенные обязанности по делам благочиния. К ним он относился со всей ответственностью, не смотря на уже начавшуюся революционную смуту.

   События февральской, а затем и октябрьской революций поставили как страну в целом, так и Церковь в частности в новые условия, когда приходилось буквально выживать, так как новая безбожная власть взяла курс на открытую борьбу с Церковью. Начались убийства священнослужителей, осквернения и ограбления храмов.

   В 1919 году по Александрийскому и Елисаветградскому уездах пронеслась волна убийств священников, причем как от рук бандформирований, так и групп революционеров. 27 августа 1919 года о.Александр Балануца был расстрелян революционерами в погребе, недалеко от храма.

  После убийства, верующие люди тайно похоронили батюшку на сельском кладбище. 

 

Справочная книга Херсонской епархии, 1905, с.502-503;

 

 

 

 

 

 

"Духовенство Одессы 1794-1925",  издание музея "Христианская Одесса"  г.Одесса 2012г. с.37.

 

Херсонский Епархиальные Ведомости, 1914, №01, с.1-2;

 

Херсонский Епархиальные Ведомости, неоф.ч., 1914, №01, с.10;

 

 

 

 

 

 

Одесский листок, 1920, 1-го(1) января, №1, скорбный список)

Приводим список священнослужителей Херонской епархии, павших от рук злодеев в 1919 году:

священник Александр Смирягин местечка Новаго Буга, 6 мая 1919 года убит вместе с женой и двумя дочерьми;

священник Феодор Статкевич с.Богоявленска, 12 апреля убит при совершении погребения;

священник хутора Мешково Карп Малицкий, 17 июля расстрелян по приговору Николаевского трибунала за контрреволюционную деятельность;

священник города Берислава Василий Голоносов расстрелян;

священник села Нерубайки Василий Слотвинский (6 мая убит);

священник села Ивановки Александр Балануца (27 августа убит);

священник местечка Трикраты Николай Неплий (24 июня расстрелян Вознесенской черезвычайкой);

священник села Янополя Сергий Чернявский (16 сентября убит махновцами);

священник села Кагарлыка Михаил Соболев (16 сентября убит махновцами);

священник  Алексий Смердынский (16 сентября убит махновцами);

священник села Скалевого Александр Вильковский (16 сентября убит махновцами);

священник села Полтавки Антоний Заплатин (30 октября убит с женой и 4-мя дочерьми);

священник села Архангельского Василий Мосин (29 ноября убит махновцами);

священник посада Новой Праги Иаков Илличевский убит в доме;

протоиерей Никита Левицкий скоропостижно скончался при наведении на него ружья с требованием венчать разведенных трибуналом;

священник Иов Швачко село Федоровка, Александрийского уезда;

священник Никита Запольский село Николаевка вторая, Херсонского уезда;

диакон Георгий Миронович убит одновременно с священником Смирягиным.

                 (Одесский листок, 1920, 1-го(1) января, №1, скорбный список)

 

С Л У Ж Б А

священномученику Александру (Балануце),

пресвитеру Ивановскому (+1919)

 

НА ВЕЛИКОЙ ВЕЧЕРНИ

 

На Господи, воззвах: стихиры мученику, глас 8:

Священства благодать прием, / евангельскими повеленьми просветил еси вся, / Александре отче Богомудре, / и Христу верен до конца пребыл, / мучителем мужественне предстал еси, / обличая тех злочестие, пребогате, / и смертию своею // Христово Божественное исповедал еси вочеловечение.

Исповедания Божественным венцем украшаемь, / каплями твоих кровей / священства одежду украсил еси, / весь светел и красен предстал еси Царю и Владыце, // Крест Христов нося, отче Александре всеблаженне.

Яко дерзновение ко Спасу Христу стяжав, / всечестне отче Александре, / вся, верно тя чтущия, спасай от бед, и напастей, / и лютых обстоящий, и всякаго зла // благоприятными молитвами твоими.

Дух Святый тя, Александре Богоблаженне, освятив, / тобою освящение верою приступающим подает, / и просвещение, и от злых избавление, // и в вере и благочестии утверждение.

Слава, глас тойже:

Глас Господень услышал еси, глаголющий: / возьми крест свой и по Мне гряди, / с радостию за Христом последовал еси, / и ко страстем с веселием течение совершающи, / яко знамение спасения Крест Христов прием, / ярость богоборческую победил еси / и новомученик преславный явился еси, отче Александре всечестне, / темже и нам, любовию тя днесь воспевающия, // радости вечныя причастники явитися сподоби.

И ныне, Богородичен: Царь Небесный:

Вход. Прокимен дне и чтения.

Пророчества Исаиина чтение (глава 43):

 Тако глаголет Господь: вси языцы собрашася вкупе и соберутся князи от них. Кто возвестит сия в них или яже от начала, кто слышана сотворит вам? Да приведут свидетели своя и оправдятся, и да услышат, и да рекут истину; будите Ми свидетели, и Аз Свидетель, глаголет Господь Бог, и Отрок, Егоже избрах, да познаете и веруете Ми, и разумеете, яко Аз есмь: прежде Мене не бысть ин бог, и по Мне не будет. Аз есмь Бог, и несть разве Мене спасаяй. Аз возвестих и спасох, уничижих, и не бе в вас чуждий. Вы Мне свидетели, и Аз Господь Бог, и еще от начала Аз есмь: и несть от рук Моих избавляли; сотворю, и кто отвратит то? Сице глаголет Господь Бог, избавляяй вас Святый Израилев.

Премудрости Соломони чтение (глава 3):

 Праведных души в руце Божией, и не прикоснется их мука; непщевани быша во очесех безумных умрети, и вменися озлобление исход их, и еже от нас шествие - сокрушение; они же суть в мире. Ибо пред лицем человеческим аще и муку приимут, упование их безсмертия исполнено; и, вмале наказани бывше, великими благодетельствовани будут: яко Бог искуси я, и обрете их достойны Себе. Яко злато в горниле искуси их, и яко всеплодие жертвенное прият я. И во время посещения их возсияют, и яко искры по стеблию потекут. Судят языком и обладают людьми, и воцарится Господь в них во веки. Надеющиися Нань разумеют истину, и вернии в любви пребудут Ему; яко благодать и милость в преподобных Его, и посещение во избранных Его.

Премудрости Соломони чтение (главы 5 и 6):

 Праведницы во веки живут, о Господе мзда их, и попечение их у Вышняго: сего ради приимут царствие благолепия и венец доброты от руки Господни, зане десницею покрыет я и мышцею защитит их. Приимет всеоружие - рвение Свое, и вооружит тварь в месть врагом. Облечется в броня правды и возложит шлем - суд нелицемерен. Приимет щит непобедимый - преподобие. Поострит же напрасный гнев во оружие; споборет же с Ним мир на безумныя. Пойдут праволучныя стрелы молниины, и, яко от благокругла лука облаков, на намерение полетят. И от каменометныя ярости исполнь падут грады; вознегодует на них вода морская, реки же потопят я нагло. Сопротив станет им дух силы, и, яко вихор, развеет их, и опустошит всю землю беззаконие, и злодейство превратит престолы сильных. Слышите убо, царие, и разумейте; навыкните, судии концев земли. Внушите, держащии множества и гордящиися от народов языков: яко дана от Господа держава вам, и сила от Вышняго.

На стиховне стихиры, глас 2:

Подобен: Доме Евфрафов:

Дом Духа Божественнаго, / исполненный чистоты и правды, / явился  еси,  Александре прехвальне, / священства Христова правило, // и веры утверждение.

Стих: Священницы Твои облекутся в правду, / и преподобнии Твои возрадуются.

Церкве Божия украшение, / страстотерпцев Христовых славу, / Александра достохвальнаго, / любовию восхвалим, вернии, // почитающе добродетели и страдания его.

Стих: Внидем в селения Его, / поклонимся на место, идеже стоясте нозе Его.

Царство Небесное, / Александре всеславне отче, / насле́дил еси страданием, / и Небесный воистинну чертог, // и свет незаходимый.

Слава, глас тойже:

Троицы вернаго служителя, / Церкве светильника всесветлаго, / мученика Александра предивнаго / ныне, в память его сошедшеся, // воспоим любовию.

И ныне, глас и подобен тойже:

Пресвятая Мати Божия, / с лики страстотерпцев / молися из Тебе Воплощенному, / Солнцу Правды, Господу, // спасти и просветити души наша.

Тропарь, глас 4:

Подвигом добрым подвизался еси, / Христовым страстем приобщился еси, / священномучениче Александре, / ве́си Ивановския похвало́, / и от  безбожных мучение претерпе́в, / тече́ние скончал еси, веру соблюд, / проповедуя истину воскресения, / и ныне Христа Бога моли // о спасении душ наших.

 

НА УТРЕНИ

По 1-м стихословии седален, глас 4:

Кровь твою, яко алавастр мира, Христови принесл еси, священномучениче Александре.  / Темже преблагий и великий Дарователь Бог прият тя в Небесныя обители, // сего ради память твою с верою почитаем, досточудне.

Слава, и ныне, глас тойже:

Едина истинная христиан Покровительнице, / всяких лютых обстояний, / бед и скорбей нас избави // и молитвами Твоими спаси души наша.

По 2–м стихословии седален, глас 6:

Светлый твой, Александре, праздник вся созва радостно на трапезу днесь, / предложив страданий твоих борения, мужество и противление, // имиже насыщшеся, верою тя и любовию ублажаем.

Слава, и ныне, глас тойже:

Устами и сердцем величаем Тя, / Дево Мати: / Ты же, рождшая Бога, // не отрини нас от Твоего заступления.

Величание:

Величаем тя, / священномучениче отче Александре, / и чтим честная страдания твоя, // яже за Христа претерпел еси

Псалом избранный:

1-й лик: Исповемся Тебе, Господи, всем сердцем моим о милости Твоей и истине Твоей.

2-й лик: Господь Помощник мой, на Него упова сердце мое, и исповемся Ему.

1-й лик: Поношения поносящих Ти нападоша на мя.

2-й лик: Изведи из темницы душу мою исповедатися имени Твоему.

1-й лик: На Бога уповах, не убоюся, что сотворит мне человек.

2-й лик: Исповемся имени Твоему, Господи, яко благо, яко от всякия печали избавил мя еси.

1-й лик: Глаголах о свидениих Твоих пред цари и не стыдяхся.

2-й лик: От бездн земли паки возвел мя еси, ибо аз исповемся Тебе в людех, Господи.

1-й лик: Веселитеся, праведнии, о Господе и исповедайте память святыни Его.

2-й лик: Да исповедятся Тебе, Господи, вся дела Твоя.

По полиелее стихира святому, глас 8:

Священник законнейший / даже до кончины твоей был еси, / блаженне отче Александре, / священнодействуя бо Божественная и неизглаголанная таинства, / кровь излиял еси за Христа Бога / и жертву благоприятну себе привел еси. / Тем, дерзновение имея к Нему, / прилежно молися // о верою и любовию совершающих пречестну́ю память твою.

Слава, и ныне, глас тойже:

Тя надежду, прибежище и Предстательницу обретше, вернии, / к Тебе притекаем и прилежно вопием: / помилуй, Богородице, на Тя уповающия / и прегрешений оставление нам испроси // молитвами Твоими, Пречистая.

Таже степенна, 1-й антифон, глас 4. Прокимен, глас 4: Возвеселится праведник о Господе / и уповает на Него. Стих: Услыши, Боже, глас мой, внегда молитимися к Тебе. Всякое дыхание: Евангелие от Матфея, зачало 36.

По 50-м псалме стихира самогласна, глас 6:

Радуяся шествовал еси стезею мучения, прехвальне, / ранами телесе своего попрал еси главу вражию, / исповеданием имени Христова просвещая люди, / восход совершил еси в Горнее Царство страданием, // Господу победоносец явлься, Александре всеславне.

Канон святому, глас 2:

Песнь 1

Ирмос: Грядите, людие, / поим песнь Христу Богу, / раздельшему море, / и наставльшему люди, яже изведе из работы египетския, // яко прославися.

Песнь хвалебную, Богу содействующу, приношу ти, Александре всечестне: / от избытка бо сердца глаголют уста / и потщатся на славословие твое.

Всесветлую тя звезду мысленное показа Солнце, / светлость твоих добродетелей просвети землю, / исповедниче Христов, Александре мудре.

Церкве Христовы пастырь добрый быв, / поругания, насмеяния и смерть претерпел еси / и безбожники кротостию и смирением обличил еси, / Александре страдальче изрядный.

Богородичен: Неболезновавшая чревом, родшая Христа Господа, / мольбами Твоими матерними исцели болезни душ и телес наших, / да благодарно Сыну Твоему приносим победную.

Песнь 3.

Ирмос: На камени мя веры утвердив, / разширил еси уста моя на враги моя. / Возвесели бо ся дух мой, внегда пети: / несть свят, якоже Бог наш, // и несть праведен паче Тебе, Господи.

Истине Евангельской с детства наученный, / животворныя заповеди Спасовы исполнил еси ревностно, отче Александре, / и явился еси проповедник деятельный пути спасительнаго.

Весь любовию Христовою укреплься, пребогате, / плоть преобидел еси, яко растлетися хотящу, / и претерпел еси муки, нравом мужественным обличив богоборческую прелесть.

Крест Христов на рамена своя взем, рекл еси всеблаженне отче Александре: / не ужасаюся мук страшащих мя, / единаго токмо чту Иисуса Господа, / при понтийстем Пилате распеншагося.

Житие твое, Божественными блистаяся добродетельми, / вся омрачи демонская стремления и, разорив тьму безбожия, / сы́ны дне показа, любовию твоим учением покорившияся.

Богородичен: Ангелов удивление, человеков дерзновение, Богородице Чистая, Приснодево, / моли Христа Бога, спасти непрестанно Тя блажащия.

Седален, глас 1:

С похвалами память твоя сотворяется светло, / мучениче славне Александре, / и радости наполняет православныя соборы, / яко правду возлюбльшаго, / и Христу верность даже до смерти показавшему, // и чаяние воскресения мертвых утверждающаго.

Слава, и ныне, глас тойже:

Упование христиан, Пресвятая Дево, / Егоже родила еси Бога, паче ума же и слова, / непрестанно моли с вышними Силами / подати оставление грехов наших всех // и исправление жития верою и любовию присно Тя славящим.

Песнь 4.

Ирмос: Пришел еси от Девы, / не ходатай, ни Ангел, / но Сам, Господи, воплощся, / и спасл еси всего мя человека. / Тем зову Ти: // слава силе Твоей, Господи.

Истекшая на землю кровь твоя, Богомудре Александре, / сию поистинне освяти достойно и души напои верных, / к ревности Божественней воздвизающи.

Облеклся еси в священныя одежды, отче Александре, / яже в подвизе исповедания невредимы сохранил еси, / темже, вшед в чертог Небесный, Крест держащи, / зриши Лице Света Неприступнаго.

Токи кровей твоих безбожия огнь  погасиша, мучениче досточудне, / верным же роса явишася. / Тем зовем Христу: слава силе Твоей, Господи.

Богородичен: Песньми, Всепетая Дево Марие, / ро́ди христианстии почитают Сына Твоего Пребожественнаго, любовию поюще: / слава силе Твоей, Господи.

Песнь 5.

Ирмос: Света подателю и веков Творче, Господи, / во свете Твоих повелений настави нас; // разве бо Тебе иного бога не знаем.

Волны мучения, воспеняемыя яростию богоборцев, / не возмогоша потопити корабля души твоея, отче священне, управляемаго Духом Святым, / дондеже вшел еси в пристанище Царствия Небеснаго.

Образ был еси верным: словом, житием, любовию, / сего ради вселися в тя Дух Святый, отче Богоносе, / и нам, помолися, стяжати благодать Того.

Светом Пресущным просвещенный, воспламенился еси любовию Божественною и Креста силою / и явился еси светильник пресветлый, облистающий безбожия нощь.

Богородичен: Льщением человекоубийцы древняго праотцы наша от Присносущныя Жизни отпадоша: / Рождеством Твоим, Чистая, земнороднии вси паки в рай восхищенни быхом.

Песнь 6.

Ирмос: В бездне греховней валяяся, / неизследную милосердия Твоего / призываю бездну: // от тли, Боже, мя возведи.

Кровьми твоими обрел еси, Александре, светлость вечнующия славы, / и радость, никогдаже престающую, / и венцы Небесныя, и сияние невечернее.

Кораблем церковным бушующее море житейское преплыл еси неврежденно / и достигл еси, богоблаженне, вечныя пристани, / оттуду и нас, святе Александре, помяни, празднующих память твою.

Священнодействовав Божие Евангелие, мудре, / Божественная учения запеча́тствовал еси светло кровию твоею, / священнотаинниче мучениче Александре.

Богородичен: Исполнися на Тебе пророчество Симеоново и оружие про́йде душу Твою, / темже мучеником и исповедником Стена Нерушимая / и Помощь присно бываеши, Богомати Всечистая.

Кондак, глас 1:

Оплевания, и биение, и зауше́ние, / членов отсечение и са́мую страдальческую смерть / претерпети изволил еси, славне Александре, / Христу Подвигоположнику подражая в терпении. / Ныне же, Небесною славою осия́нный, / во Царствии Небеснем ликовствуя, / не забуди в теплых молениих своих, / у престола Господня приносимых, / нас, недостойных, чад твоих // на земли́ зде празднующих память твою.

Икос:

Светлый мученик славным страданием своим / Горния силы возвесели, / и со крестом исповедническим Небеса прошед, / сонм мучеников радости исполни, / нам же на земли праздник воздвиже добропобеднаго своего преставления, / в немже подвиги его прославляюще, / яже за Христа даже до смерти претерпе, / сице к нему возопиим: / не забуди, отче Александре, в теплых молениих своих, / у престола Господня приноси́мых, / нас, недостойных, чад твоих // на земли́ зде празднующих память твою.

Песнь 7.

Ирмос: Юноши благочестивыя пещи огненней приобщившияся, / шумящ дух росный невредимы сохрани, / и Божия ангела снизхождение. / Темже в пламени орошаеми благодарственно воспеваху: // препетый отцев Господи и Боже, благословен еси.

Чашу налияв всекрасно исповедания воистину, / крепким твоим страданием всех напояеши, отче Александре, / и подвизаеши пети: препетый отцев Господи и Боже, благословен еси.

Отложив страх мучения, к подвигу исповедания мужественне устремился еси, отче Александре, / Христа единаго возжелев, Емуже ныне поеши: / препетый отцев Господи и Боже, благословен еси.

Нижняя оставльши и Вышняя наследовавше, Богоносный Александр да почтется, песнопоюще: / препетый отцев Господи и Боже, благословен еси.

Богородичен: Тьмою лютою жития объят быв: / Твоею светлостию, Дево Марие, разреши тьму прегрешений / и озари пети достойно Сыну Твоему и Спасу мира: / препетый отцев Господи и Боже, благословен еси.

Песнь 8.

Ирмос: Пещь иногда огненная в Вавилоне действа разделяше, / Божиим велением халдеи опаляющая, / верныя же орошающая, поющыя: // благословите, вся дела Господня, Господа.

С молитвою, бывшей во устех твоих, страдальче Александре, / предал еси душу твою в руце Живаго Бога / и победоносно со славою возшел еси в чертог Его Небесный, взывающи: / благословите, вся дела Господня, Господа.

Победитель мучителей и духов был еси нечистых, / верных же людей слава и похвала, тя восхваляющих, Александре священне, и вопиющих: / благословите, вся дела Господня, Господа.

Недреманно нося сияние сердца твоего, / напоено слез потоки и страдания кровьми, Александре чудне, / в нерукотвореннем чертозе ныне живеши, вопия: / благословите, вся дела Господня, Господа.

Троичен:  Яко  Единицу естеством,  Тя  пою,  Божество Всесвятое, / в триех ипостасях Единаго Создателя, радуяся зову: / благословите, вся дела Господня, Господа.

Богородичен: Слово Отца Небеснаго Единосущное / от кровей Твоих девственных воплотися, Марие Чистая, / Емуже благодарственне зовем: / благословите, вся дела Господня, Господа.

Песнь 9.

Ирмос: Безначальна Родителя Сын, Бог и Господь, / воплощься от Девы нам явися, / омраченная просветити, / собрати расточенная: // тем всепетую Богородицу величаем.

Днесь веселие Церковь познавает в твоей памяти Божественней, Александре, воине Христов неодоленный, / в нюже поющия тя вся милостию посети молитвами твоими.

Земля убо, мучениче, погребением, / небо же душею освятися твоею: / якоже бо багряницею светлою от крове твоей одеян, Александре, / Христу Богу нашему сцарствуеши всегда, поминая верно почитающих тя.

Красно убо Церковь веселится в памяти твоей, о пастырю дивный отче Александре! / Вернии же людие стекаются, празднственная тебе приносяще, / восхваляюще Христа, тебе прославльшаго.

Троичен: Триипостасный Боже наш, / новых мучеников Твоих приемый подвиги и преславно увенчавый их, / тех предстательством спаси воспеватели Твоя / и сподоби нас вечно славити Державу Твою.

Богородичен: Юже воспевают Силы Небесныя, Владычицу Деву, Церкве красоту, / верных державу и похвалу, благодарно величаю и пение скончаваю.

Светилен:

Предстощи ныне Трисиянному Великому Свету / и пребывающи в неизреченней светлости со всеми святыми, / Александре отче добропобедне, помяни всех нас, / память твою светоносно совершающих.

Слава, и ныне, Богородичен:

Света Превечнаго родила еси нам, Христа, Бога нашего, Пречистая Дево, / избавльшаго весь мир от лести диавола. / Темже молим Тя: не престай молящи, / да подаст нам милость Свою в День Судный.

На хвалите стихиры, глас 1:

Приидите,  Безплотных ли́цы,  / во плоти сущим спразднуйте нам / в честней памяти страстотерпца Александра: / сей бо тело немощное носящи, / яко безплотный подвизася, / смерть презрев, Воскресшему Христу последовал еси, / Емуже ныне мо́лится, // во еже стастися нам.

Приидите, мучениколюбцы, / насладимся мысленно духовныя днесь трапезы, / юже нам придложи Александр всечудный; / ты же, отче, страдальче неодоленный, / проси Спаса Христа даровати нам грехов оставление, // твою честную память совершающим верно.

Богоблаженне мучениче Александре, / от земли преставився, востекл  еси  к Небесным, / и в Горних жити селениих сподобился еси, / жизнь свою всецело Христу отдав, / Егоже ныне моли // даровати душам нашим мир и велию милость.

Приидите, вернии, / возрадуемся и возвеселимся днесь, / во всечестный сей праздник Александра дивнаго мученика, / и славу и хвалу Христу Богу воздадим, / давшему нам таковаго к Нему предстателя // и молитвенника о душах наших.

Слава, глас 8:

Приидите, мучениколюбцы вси, / лик празднующий составим, / венцы похвальныя плетуще / и честную главу Христова мученика Александра венчающе. / Сей убо, на земли пострадавый / и ныне на Небесех царствуя, / со Ангелы, и с лики мученик, / и со всеми святыми молится Спасу о нас, // умирити мир и спасти души наша.

И ныне, глас тойже:

Владычице, приими молитвы раб Твоих / и избави нас // от всякия нужды и печали.

Славословие великое и отпуст.

 

НА ЛИТУРГИИ

Прокимен, глас 4: Святым, иже суть на земли Его, / удиви Господь вся хотения своя в них. Стих: Презрех Господа предо мною выну, / яко одесную мене есть, да не подвижуся. Апостол к Галатом, зачало 214. Аллилуиа, глас 4: Воззваша праведнии, и Господь услыша их, и от всех скорбей их избави их. Стих: Многи скорби праведным, и от всех их избавит я Господь. Евангелие от Иоанна, зачало 51.  Причастен: В память вечную будет праведник, от слуха зла не убоится.

МОЛИТВА

О, всеславне мучениче, пастырю добрый стада Христова, стезею страдальческою вшедый в Царствие Небесное, отче святый Александре! Ты изде́тска восхотев Господеви послужити, якоже мнози сродницы твоя послужиша, ко Престолу Господню притекл еси, во еже совершателем Святыя Евхаристии и строителем таинств церковных быти. Благодать же Господня обильно сниде на тя, во еже быти тебе пастырем ревностным, проповедником неумолчным, душ врачевателем неустанным, пасомым твоим отцем чадолюбивым. Егда же попусти Господь приити на землю нашу поруганию Церкве Православныя и преумножению беззакония, тогда ты, отче праведне, возстал еси яко столп неколе́блемый веры истинныя. В час же мученическаго подвига твоего, взирающи на Крест Христов, в терпении стяжал еси душу твою, славный страдальче. Биения и смерть мученическую твердо претерпев, молился еси еже души твоей приити́ во обители Отца Небеснаго. Ныне же, в свете невечернем пребывая, моли́, о отче блаженне, о земнем отечествии твоем и людех пажити твоея, яко да Человеколюбец Бог наш оградит нас от всякия напасти в жизни сей временней, снабдевая всем яже ко спасению полезным, и избавит от нападений лукавых и злохитрых бесов, да твердо последующе стопам твоим, в мире внидем в вечныя обители Царя и Владыки нашего Бога, в Троице Святей покланяемаго и славимаго, и тамо купно с тобою воспоем немолчную песнь хвалы в безконечныя веки. Аминь.

 

СХВАЛЕНО

Синодальною Літургічною комісією

Української Православної Церкви

 

 

митрополит Новокаховський і Генічеський,

голова Комісії

 

 

Тропарь и кондак

священномученику Александру Балануце

 

Тропарь, глас 5:

Моли́твы и послуша́ния о́браз был еси́,/ Еди́ному Бо́гу служи́ти жела́я,/ во смире́нии житие́ свое́ проводи́л еси́,/ па́ству твою́ до́бре пасы́й./ Егда́ же на́йде испыта́ния час,/ ты ве́ру твою́ тве́рдо испове́дал еси́ да́же до кро́ве,/ священному́чениче Алекса́ндре,/ моли́ Христа́ Бо́га/ и нам ве́рными до конца́ пребы́ти.

Кондак, глас 2:

Па́стырь до́брый яви́лся еси́,/ лю́ди ве́си ива́новския житию́ до́брому науча́я,/ о слу́жбе Бо́жией непреста́нно ревнова́л еси́,/ Бо́гу моли́твы в се́рдце свое́м вознося́;/ во дни же гоне́ния безбо́жнаго/ ду́шу твою́ за Христа́ положи́л еси́,/ священному́чениче Алекса́ндре,/ моли́ спасти́ся душа́м на́шим.

 

 

 

 

 

 

 

 

 


Подпишитесь на нас в Telegram

Администрация сайта не несет ответственности за содержание информации, которая содержится в архивных материалах сайта, и может не разделять мнение их авторов. Ответственность за информацию несет сторона, которая ее предоставила
Интернет-издание "Епархия" (C) 2013-2021. Сайт разработан: В.Коваленко, А.Чумаченко, А.Беляев.
При использовании материалов сайта обязательным условием является ссылка на alexandria-eparhia.org.ua